ول Halyk Bank-تەن ەلوردادا العاشقى ءجۇز تۇرعىننىڭ ۇيلەرىن گازبەن جابدىقتاۋدىڭ ورتالىق جەلىلەرىنە قوسۋ ءۇشىن پايىزسىز كرەديت بەرۋدى كوزدەيدى.
حالىقتىڭ ەكولوگيالىق تازا كوگىلدىر وتىنعا كوشۋىن جەدەلدەتۋ ءۇشىن قارجىلىق ىنتالاندىرۋدىڭ قوسىمشا شارالارىن ەنگىزۋ قاجەت.
وسىعان بايلانىستى Halyk Bank اسا ءىرى الەۋمەتتىك جاۋاپتى قارجى ينستيتۋتى رەتىندە, ءوز ۇيلەرىن گازعا قوسۋدى قالايتىن ءبىرىنشى ءجۇز ابونەنتكە پايىزسىز كرەديت بەرە وتىرىپ «ECOJER» قاۋىمداستىعىنىڭ باستاماسىن قولدادى.
«بۇگىندە ەكولوگيا ماسەلەسى وتە وزەكتى, اسىرەسە ءىرى وتاندىق مەگاپوليستەر ءۇشىن. سوندىقتان Halyk Bank ەكولوگيانى جاقسارتۋعا جانە اۋا باسسەينىن تازارتۋعا بايلانىستى بىرقاتار باستامالاردى قولدايدى. بۇگىن ءبىز نۇر-سۇلتان قالاسىنداعى تۇرعىن ۇيلەردى گازداندىرۋ جوباسىن قولداۋعا دايىن ەكەنىمىزدى مالىمدەدىك. جوبا قوسۋ بويىنشا جۇمىستاردىڭ بارلىق كولەمىنە ەسەپتەلگەنىن اتاپ وتكىم كەلەدى, ياعني بانك گازدى تۇرعىن ۇيگە جەتكىزۋدەن باستاپ, بارلىق قاجەتتى گاز كوممۋنيكاتسيالارىن قوسۋعا جانە قاجەتتى جابدىقتى ورناتۋعا پايىزسىز قارىز بەرەدى. بۇل ءبىزدىڭ ەلوردانىڭ اۋە باسسەينىن ساۋىقتىرۋعا قوسقان ۇلەسىمىز. ءبىز ءوز تاراپىمىزدان ەلوردانىڭ بيزنەس-قوعامداستىعىن ءبىزدىڭ باستامامىزعا قوسىلۋعا شاقىرامىز», - دەپ اتاپ ءوتتى Halyk Bank باسقارما ءتورايىمى ءۇمىت شاياحمەتوۆا.
نۇر-سۇلتان قالاسى بويىنشا پايىزسىز كرەديت بەرۋ باعدارلاماسىنىڭ شارتتارى بويىنشا ەلوردا تۇرعىندارى 750 000 تەڭگەگە دەيىنگى سوماعا, 18 ايعا دەيىنگى مەرزىمگە جىلدىق 0% - بەن كرەديت الا الادى (قارىزدى ۇيىمداستىرعانى ءۇشىن كوميسسيا نەبارى 0.1% - دى قۇرايدى).
وسىلايشا, جۇزدەن استام وتباسى گازعا كوشۋگە مۇمكىندىك الادى, ءوز جاعدايلارىن ەداۋىر جاقسارتادى جانە ەڭ باستىسى اتموسفەراعا زياندى شىعارىندىلاردى ازايتۋعا ىقپال ەتەدى.
«ECOJER» قاۋىمداستىعى كەڭەسىنىڭ ءتورايىمى لاززات رامازانوۆا بۇل الەۋمەتتىك ماڭىزى بار جوبا مەملەكەت باسشىسىنىڭ ەلوردانى گازداندىرۋ جونىندەگى تاپسىرماسىن ورىنداۋدى قولداۋ ماقساتىندا ىسكە اسىرىلىپ جاتقانىن اتاپ ءوتتى.
«ECOJER قازاقستان بيزنەسىنىڭ ەڭ ءىرى ەكولوگيالىق سەرىكتەسى بولا وتىرىپ, كاسىپورىنداردىڭ قورشاعان ورتاعا تەرىس اسەرىن ازايتۋدى جانە حالىقتىڭ ءومىر ءسۇرۋ ساپاسىن جاقسارتۋدى ءوز ماقساتتارىنىڭ ءبىرى دەپ سانايدى. اۋانىڭ لاستانۋى تەك ەكولوگيالىق پروبلەما عانا ەمەس, سونىمەن بىرگە ەكونوميكالىق پروبلەما بولىپ تابىلادى.ساراپشىلاردىڭ باعالاۋى بويىنشا اۋا ساپاسىنىڭ ناشارلىعى ەكونوميكانىڭ ءوسۋىن باياۋلاتادى جانە ءجىو-دەن جىل سايىن 1,5-2% شىعىن بولۋىنا ىقپال ەتەدى. ءبىز Halyk Bank پەن قالا اكىمدىگىنە ەلوردا حالقى تابيعي گازدى وتە ءتيىمدى قارجىلىق شارتتاردا پايدالانۋعا كوشۋى جونىندەگى جوبانى قولداعانى ءۇشىن العىسىمىزدى بىلدىرەمىز. العاشقى ءجۇز قاتىسۋشى وسى ۇلكەن قادامنىڭ جاقسى باستاۋى بولادى جانە جوبا باسقا قارجى ينستيتۋتتارىنىڭ قاتىسۋىمەن كەڭەيە تۇسەدى دەپ ۇمىتتەنەمىز", - دەدى لاززات رامازانوۆا.
پايىزسىز نەسيە الۋ ءۇشىن باعدارلاماعا قاتىسۋشىلار:
- كەڭەس الۋ, ولشەۋ مەن قۇنىن ەسەپتەۋدى جۇزەگە اسىرۋ ءۇشىن جاقىن جەردەگى ۇيىمعا («Capital Construction 2020» جشس) جۇگىنۋى;
- گازدى قوسۋ ءۇشىن «قازترانسگاز ايماق» اق تەحنيكالىق شارتتار الۋى;
- جەتكىزۋشىمەن شارت جاساپ, «ECOJER» قاۋىمداستىعىنىڭ «جاسىل سەرتيفيكاتىن» الۋى;
- شارتپەن جانە سەرتيفيكاتپەن Halyk Bank-ءتىڭ ەكى بولىمشەسىنىڭ بىرىنە پايىزسىز كرەديت الۋ ءۇشىن جۇگىنۋى كەرەك (جەڭىس داڭعىلى, № 72 ءۇي جانە بەيبىتشىلىك كوشەسى, № 24 ءۇي, № 4 ت.ە.ج.).
تولىعىراق اقپارات halykbank.kz جانە ecojer.kz سايتتارىنان الۋعا بولادى.
