الەم • 08 ءساۋىر، 2021

نازار – اركتيكادا

13 رەت كورسەتىلدى

رەسەي ۇكىمەتى جاقىندا ەلدىڭ اركتيكالىق ايما­عىن الەۋمەتتىك-ەكونو­مي­­كالىق دامىتۋدىڭ مەم­لەكەتتىك باعدارلاماسىن بەكىتتى. قۇجاتتا 2024 جىلعا دەيىنگى ستراتەگيانى ىسكە اسىرۋ ءۇشىن 19،5 ميلليارد رۋبلدەن استام قاراجات ءبولۋ جوسپارلانعانى ايتىلعان. مەملەكەتتىك باعدارلامانىڭ ماقساتتارىنا رەسەيدىڭ اركتيكالىق ايماعىنىڭ قۇرامىنا كىرەتىن اۋماقتاردىڭ ەكونوميكالىق دامۋىن جەدەلدەتۋ، ولاردىڭ مەملەكەتتىڭ ەكونوميكالىق وسۋىنە قوسقان ۇلەسىن ارتتىرۋ، سونداي-اق ماكرووڭىردىڭ تۇراقتى الەۋمەتتىك-ەكونوميكالىق دامۋى­نا جاعداي جاساۋ كىرەدى.

اركتيكا وڭىرىنە قىزىعۋشىلىق تانىتاتىن ەلدەر قاتارى كوپ. سولاردىڭ ىشىندە رەسەي ارەكەتتەرىن ءجىتى باقىلاپ وتىرعانى – اقش ەكەنى بەلگىلى. بۇل جولى دا پەنتاگون قورعانىس ماسەلەسىنە كەلگەندە ءۇنسىز قالمادى. بريفينگتەردىڭ بىرىندە اقش-تىڭ قورعانىس مينيسترلىگى رەسەيدىڭ اركتيكاداعى بەلسەندىلىگىن مۇقيات باقىلاپ وتىرعانى ايتىلدى. «اركتيكا ايماعىنىڭ اسكەري مەكەنگە اينالعانىن ەشكىم قالامايدى» دەگەن پەنتاگون وكىلى دجون كەربي ايماقتىڭ امەريكالىق قورعانىس جۇيەسىندە تاكتيكالىق تۇرعىدان ماڭىزدى ءرول اتقاراتىنىن اتاپ ءوتتى. ونىڭ ايتۋىنشا، ۇلتتىق قاۋىپسىزدىك تۇرعىسىنان العاندا ايماق اقش ءۇشىن اسا ماڭىزدى.

وسىعان دەيىن رەسەيدىڭ اركتيكادا بۇرىن-سوڭدى بولماعان اسكەري كۇش جيناپ، جاڭا قارۋ تۇرلەرىن سىناپ جاتقانى ايتىلعان-دى. رەسەيدىڭ قورعانىس سالاسىنداعى ارەكەتتەرىنە الاڭداۋشىلىق تانىتىپ وتىرعان ماماندار الداعى جاعدايدى بولجاۋ قيىن ەكەنىن العا تارتادى. «ورىستار ادەتتە جاڭا قارۋ-جاراق تۇرلەرىن سىناۋ، GPS سيگنالدارىن ءوشىرۋ، جاتتىعۋ ءۇشىن اۋە جانە تەڭىز جولدارىن جاۋىپ تاس­تاۋ نەمەسە اركتيكانىڭ ۇستىنەن بومبالاۋشىلاردى ۇشىرۋ ارقىلى حابارلاما جەتكىزۋگە تىرىسادى»، دەيدى اقش-تىڭ بيلىك وكىلدەرى.

الايدا رەسەي بارلىق ارەكەتتەرى بەيبىتشىلىك پەن ەكونوميكالىق دامۋعا باعىتتالعان دەگەننەن قايتپايدى. كۇنى كەشە رەسەي باسشىسىنىڭ ءباسپاسوز حاتشىسى دميتري پەسكوۆ ەلدىڭ اركتيكاداعى ارەكەتىنە اسكەري قۇرىلىستىڭ ءبىر ەلەمەنتى دەگەن باعا بەردى. ول ايماقتىڭ ەكونوميكالىق الەۋەتى جىل سا­يىن ارتىپ كەلە جاتقانىن ايتىپ، ءوڭىردى دامىتۋدىڭ كەشەندى جوسپارى ورىندالىپ جاتقانىن جەتكىزدى.

سونداي-اق ول امەريكالىق ارىپتەستەرىنىڭ الاڭ­داۋشىلىعىنا قاتىستى «اقش-تىڭ ءوزى اركتيكاداعى اسكەري باقىلاۋىن ازايتقان ەمەس» دەپ جاۋاپ بەردى. پەسكوۆ رەسەيدىڭ قازىرگى ارەكەتى اقش-تىڭ اركتيكاعا دەگەن ەرەكشە نازارىنا ساي كەلەتىنىن العا تارتتى.

 

سوڭعى جاڭالىقتار

كۇلشە قىز

تەاتر • بۇگىن، 09:25

گۇلدەردىڭ سىرىن ۇققان...

ونەر • بۇگىن، 09:24

قالدىقتى كادەگە جاراتتى

ايماقتار • بۇگىن، 09:22

اقىلى اۆتوجول كوبەيدى

قازاقستان • بۇگىن، 09:18

Digital تەڭسىزدىك

تەحنولوگيا • بۇگىن، 09:14

ەلىن سۇيگەن ەرەن ەر

تاريح • بۇگىن، 09:11

راسيمانىڭ ءاسۇيى

قوعام • بۇگىن، 09:07

الاكولگە پويىزبەن بارۋعا بولادى

ايماقتار • بۇگىن، 09:01

اسارلاتىپ التىنشى ءۇي سالدى

ايماقتار • بۇگىن، 09:00

1500 وتباسى باسپانالى بولادى

ايماقتار • بۇگىن، 08:58

ۇلى مۇرات ۇستىنى

پىكىر • بۇگىن، 08:54

ادامزاتقا قالتقىسىز قىزمەت

تانىم • بۇگىن، 08:42

شىناشاقتاي سپورتشى شىندىعى

سپورت • بۇگىن، 08:39

قانداستار ءوز ورتامىزعا ورالدى

قازاقستان • بۇگىن، 08:33

جاڭا جوبالاردى تانىستىردى

قازاقستان • بۇگىن، 08:27

كۇزدە – حالىق ساناعى

قازاقستان • بۇگىن، 07:58

مەيىرىم ەكەن عوي

ونەر • كەشە

ءانۋار الەمى

ونەر • كەشە

بوياۋلار قۇپياسى

ونەر • كەشە

ۇقساس جاڭالىقتار