سارسەنباي سادۋاقاسوۆ پەن گۇلناز جەڭىسبايقىزىنىڭ شاڭىراق كوتەرگەنىنە 27 جىل بولعان. بۇگىندە ولار 10 قىز, 4 ۇل تاربيەلەپ, 3 نەمەرەسىن باۋلىپ وتىر.
اۋدان اكىمى عالياسقار سارىباەۆ وتباسىنى قۇتتىقتاپ, جىلى لەبىزىن جەتكىزدى. بۇعان دەيىن 2019 جىلى كوپبالالى وتباسىنا سارىوزەك اۋىلىنان تۇرعىن ءۇي بەرىلگەن دە ەكەن. كەربۇلاق اۋداندىق اكىمدىگىڭ ءباسپاسوز قىزمەتى حابارلاعانداي, مەكتەپ قابىرعاسىنداعى 5 بالا وقۋ قۇرالدارىمەن, سپورتتىق كيىممەن, مەكتەپ فورماسىمەن تولىق قامتاماسىز ەتىلگەن. بالالاردىڭ 3-ەۋى بالاباقشادا بولعاندىقتان, ەرەسەكتەرىنە مەكتەپكە قاجەتتى نوۋتبۋكتار بەرىلگەن.
اتا-اناسىنىڭ ۇكىلەگەن ءۇمىتىن ايجان ەسىمدى قىزدارى ءاردايىم سپورتتىق جارىستاردا, سونىڭ ىشىندە ەرەجەسىز جەكپە-جەك تۇرىنە قاتىسىپ, جۇلدەلى ورىندارعا يە بولىپ ءجۇر. ال وتاعاسى ماشينيست, مەحانيك, دانەكەرلەۋشى سياقتى كاسىپتەردى ەركىن مەڭگەرگەن.
ء«ومىردىڭ ءمانى دە, ءسانى دە – بالا. دەنساۋلىعىم جەتسە, بالا تۋدان قاشپايمىن. قازاق «بالانى جاستان» دەگەندى بەكەر ايتپاعان. ۇلكەن قىزىم مۇعالىم. «الدىڭعى اربا قايدا بارسا, سوڭعى اربا سوندا جۇرەدى» دەمەكشى, الدىڭعى ۇل-قىزداردى جاقسى تاربيەلەسەڭ, سوڭعىلارى سولارعا ەلىكتەپ, ۇلگى ەتىپ وسەدى دەپ ويلايمىن», دەيدى كوپبالالى انا گۇلناز جەڭىسبايقىزى.
