سپورت • 07 ءساۋىر، 2021

ءۇش دزيۋدوشىمىز قولا مەدال ءۇشىن كۇرەسەدى

131 رەت كورسەتىلدى

دزيۋدودان بىشكەكتە ءوتىپ جاتقان ەرلەر مەن ايەلدەر اراسىنداعى ازيا مەن مۇحيت جاعالاۋى ەلدەرى بىرىنشىلىگىنىڭ ەكىنشى جارىس كۇنى تاعى بىرنەشە جۇلدە جيىنتىعى ساراپقا سالىنىپ جاتىر، دەپ حابارلايدى Egemen.kz

ەرلەر سايىسىندا 73 كيلو سالماقتاعى جانساي سماعۇلوۆ العاشقى اينالىمداردا ۇندىستاندىق راۆان قۇمار مەن وزبەكستاندىق مۇرودجون يۋلدوشەۆتەن باسىم ءتۇستى. الايدا جارتىلاي فينالدا ونىڭ جولى بولمادى. تاجىكستاندىق سامون ماحمادبەكوۆتەن ۇتىلعان جانساي ەندى ءباا-ءنىڭ وكىلى ۆيكتور سكۆورتوۆپەن قولا مەدال ءۇشىن تالاسادى. 

81 كيلو سالماقتاعى ديدار حامزا مەن رۋسلان مۇساەۆ تۇساۋكەسەر كەزدەسۋلەرىن جەڭىسپەن اياقتاعانىمەن، كەلەسى كەزەڭدە جەڭىلىستىڭ كەرمەك ءدامىن تاتتى. ديدار كورەيالىق لي موون دجيننەن، ال رۋسلان وزبەكستاندىق شاروففيدين بالتوبوەۆتان جەڭىلدى. قوس قانداسىمىز جۇبانىش باسەكەسىندە كۇش سىناسىپ، بۇل تارتىستا حامزانىڭ اسىعى الشىسىنان ءتۇستى. ءۇشىنشى ورىن ءۇشىن سايىستا ديدار موڭعوليالىق ساەد موللاەيمەن بەلدەسەدى.   

ايەلدەر اراسىندا 63 كيلو سالماقتاعى يولانتا بەردىبەكوۆا جۇبانىش باسەكەسىندە ۇتىلسا، 70 كيلو سالماقتاعى زەرە بەكتاسقىزى قىتايلىق سۋن كياوگيانمەن قولا مەدال ءۇشىن كۇرەسەدى.

سوڭعى جاڭالىقتار

شىڭعىستاۋدىڭ شاكىرى

ادەبيەت • كەشە

جانى ىزگى جۋرناليست

ەگەمەن قازاقستان • كەشە

ۇقساس جاڭالىقتار