يسلام باعى نەگىزىندە سالىنعان ەرەكشە ساياباقتا 200 ءتۇپ ساكۋرا, جالپى الەمدە سيرەك كەزدەسەتىن مىڭعا جۋىق اعاش ەگىلگەن. دەمالىس ايماعىنداعى مىڭداعان قىزعىلت, كۇلگىن, اق تۇسكە بويالعان شيە اعاشتارى دا گۇلدەي باستادى.
بوتانيكالىق باقتا گەرمانيادان ارنايى اكەلىنگەن اعاش پەن گۇلدەردىڭ 50-دەن استام ءتۇرى وتىرعىزىلعان. ولاردىڭ ىشىندە ساندىك جەمىس اعاشتارى مەن كۇلگىن ءتۇستى كۇل, كاتالپا, دولانا, كاشتان, تەرەك, تۇت اعاشتارى, ۇيەڭكى, راۋشان گ ۇلى مەن قىزعالداقتىڭ سان الۋان تۇرلەرى بار. دەمالىس اۋماعى بيىكتىگى 1 مەتردەن اسپايتىن مىڭعا جۋىق ەرەكشە ديزايندى جارىقشامدارمەن جارىقتاندىرىلعان. دەكوراتيۆتى سۋ ارنالارى مەن سۋبۇرقاقتار سالىنعان. قالاداعى جاڭا ساياباقتار مەن دەمالىس ورىندارىن ارالاعان وبلىس اكىمى ومىرزاق شوكەەۆ قۇرىلىس پەن جوندەۋ جۇمىستارىن 10 كۇننىڭ ىشىندە تولىق اياقتاۋدى مىندەتتەدى. كوگالداندىرۋ جۇمىستارى قارقىندى جۇرگىزىلىپ جاتقان «رامىزدەر الاڭىندا» 2 مىڭ كوشەت وتىرعىزىلىپ, گازون توسەلەدى. سۋبۇرقاقتار, ارنايى دەمالىس ورىندارى مەن بالالار الاڭشالارى اشىلادى.
وبلىس اكىمى قالاداعى مادەني – رۋحاني ورتالىقتاعى قۇرىلىسى اياقتالعان جاڭا عيماراتتاردىڭ اۋماعىنا جولاياقتاردىڭ توسەلۋى تىم ۇزاققا سوزىلعانىن سىنعا الىپ, موينىنا العان مىندەتتى سوزبالاڭعا سالعان فيرما وكىلدەرىنە سىلتاۋ ىزدەمەي, تاپسىرىستى دەر كەزىندە ورىنداۋدى جۇكتەدى.
