اۋا رايى • 07 ءساۋىر، 2021

قازاقستاندا قاشان كۇن جىلىناتىنى ايتىلدى

2054 رەت كورسەتىلدى

ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا «قازگيدرومەت» گيدرولوگيا دەپارتامەنتىنىڭ ديرەكتورى ديدار جانىبەك ۇلى ءساۋىر ايىنداعى اۋا رايىنىڭ بولجامدارىن ءمالىم ەتتى، دەپ حابارلايدى Egemen.kz

«الداعى اپتانىڭ سينوپتيكالىق بولجامدارىنا كەلەتىن بولساق، باتىس قازاقستان، اقتوبە، قوستاناي، سولتۇستىك قازاقستان، قاراعاندى، شىعىس قازاقستان، پاۆلودار وبلىستارىندا اۋا رايىنىڭ كۇندىزگى تەپەراتۋراسى +15، +20 گرادۋسقا، كەيبىر جەرلەردە +23 گرادۋسقا دەيىن كوتەرىلىپ، تۇندە +3،+5 گرادۋس جىلى بولادى دەگەن بولجام بار. اتالعان جايت قاردىڭ ەرۋ پروتسەسىن ودان ءارى كۇشەيتىپ، مۇز قۇرساۋلارىن قوزعالتىپ، سۋ دەڭگەيىن كوتەرۋى مۇمكىن. ءساۋىر ايىنىڭ ءىى جانە ءىىى توقسانىندا اتالعان ايماقتاردا اۋا تەمپەراتۋراسى جوعارىلاپ، كۇندىز +5، +10 گاردۋس ارالىعىندا، تۇندە +10 گاردۋسقا دەيىن كوتەرىلەدى دەپ بولجاپ وتىرمىز. بىراق ءساۋىردىڭ اۋا رايى قۇبىلمالى بولعاندىقتان، كەيبىر كۇندەرى كۇرت سۋىتۋىن كۇتىپ وتىرمىز. اتاپ ايتساق، كۇندىزگى تەمپەراتۋرا +3، +8 گاردۋسقا دەيىن تۇسسە، تۇندە 0،-9 گاردۋس شاماسىندا بولجانادى»، دەدى ديدار جانىبەك ۇلى.

ول كۇننىڭ بۇلايشا قۇبىلۋى تاسقىن قاۋپىن جيىلەتەتىنىن ەسكەرتتى.

«قايتالاپ ايتقىم كەلەدى. ەلىمىزدىڭ باسىم ايماقتارىندا قاردىڭ ەرۋىنەن سۋ باسۋ قاۋىپتەرى بولىپ جاتىر. الداعى تاۋلىكتەردە اۋا رايىنىڭ كۇرت جىلىنىپ، جاۋىن-شاشىننىڭ كوبەيۋىنەن ەلىمىزدىڭ باسىم ايماعىندا سۋ دەڭگەيى كوتەرىلەدى دەپ بولجامداپ وتىرمىز»، دەدى مامان.

سوڭعى جاڭالىقتار

ۇقساس جاڭالىقتار