ايماقتار • 06 ءساۋىر، 2021

سىر بويى «سارى ايماقتىڭ» تابالدىرىعىندا تۇر

216 رەت كورسەتىلدى

سوڭعى كورسەتكىشتەر قىزىلوردانىڭ «جاسىلدان» تاۋەكەلى ورتاشا «سارى ايماقتىڭ» تابالدىرىعىنا تاياپ قالعاندىعىن كورسەتىپ تۇر. كۇن سايىن ۆيرۋس جۇقتىرۋ قارقىنى ارتىپ كەلەدى. بۇل تۋرالى وبلىستىق سانيتاريالىق-ەپيدەميولوگيالىق باقىلاۋ دەپارتامەنتىنىڭ باسشىسى دينارا جاڭابەرگەنوۆا باق وكىلدەرىمەن كەزدەسۋدە ايتتى، دەپ حابارلايدى Egemen.kz.

بەسىنشى ساۋىردە بويىنان ىندەت بەلگىسى بىلىنگەندەر قاتارى تاعى 34 ادامعا ارتقان. ولاردىڭ باسىم بولىگى COVID-19 ينفەكتسياسىن جۇقتىرعاندارمەن جاقىن قارىم-قاتىناستا بولعاندار اراسىنان شىعىپ وتىر.

ونىڭ توعىزى قازالى اۋدانىنداعى ء«ورىمتال» بالاباقشاسىنان تىركەلگەن.  قازىر اۋرۋ وشاعىندا ەپيدەمياعا قارسى بارلىق ءىس-شارالار جۇرگىزىلدى، قارىم-قاتىناستا بولعاندار شەڭبەرى انىقتالىپ، مەديتسينالىق باقىلاۋعا الىندى. زەرتتەۋ جۇمىستارى جالعاسۋدا، قاجەت بولعان جاعدايدا بالاباقشا تولىعىمەن كارانتينگە جابىلۋى مۇمكىن.

كوروناۆيرۋستىق ينفەكتسيا «سيبۋ-قىزىلوردا» مەكەمەسىنىڭ ۆاحتالىق جۇمىسشىلارى اراسىندا دا تىركەلدى. ۆيرۋس جۇقتىرعان ءبىر اداممەن بايلانىستا بولعان 36 جۇمىسشى وقشاۋلانىپ،  پتر سىنامالارى الىندى. سىناما تاعى 10 جۇمىسشى دەرت جۇقتىرعانىن كورسەتىپ وتىر. قازىر اۋرۋ وشاعىنا اينالعان ۆاحتالىق قالاشىق كارانتينگە جابىلىپ، قارىم-قاتىناستا بولعانداردىڭ بارلىعى مەديتسينالىق باقىلاۋعا الىندى.

– ۇجىمداردا ۆيرۋس جۇقتىرۋ دەرەكتەرى جيىلەپ تۇر. سوندىقتان جۇمىس بەرۋشىلەر سانيتاريالىق-ەپيدەميولوگيالىق، دەزينفەكتسيالىق تالاپتاردىڭ ورىندالۋىنا ءجىتى ءمان بەرگەنى ءجون، – دەيدى وبلىستىڭ باس سانيتارى.

سوڭعى جاڭالىقتار

ۇقساس جاڭالىقتار