«مۇنداي زاڭسىز ءىس-ارەكەتتەر ءۇشىن وسى ۇيىمداردىڭ باسشىلارىنا 600 ايلىق ەسەپتىك كورسەتكىش نەمەسە 1,8 ملن تەڭگە كولەمىندە ايىپپۇل سالۋ كوزدەلگەن», دەدى ول.
سونداي-اق, زاڭدى تۇلعالار اقبتك اياسىندا لاۋازىمدى تۇلعالارعا ماتەريالدىق سىياقىنى زاڭسىز بەرگەنى ءۇشىن سىبايلاس جەمقورلىق بويىنشا جازالانۋى مۇمكىن. بۇل رەتتە ايىپپۇل سوماسى 700-دەن 1500 اەك-كە دەيىن تۇرلەنەدى.
ول سىبايلاس جەمقورلىق ءۇشىن زاڭدى تۇلعالاردىڭ جاۋاپكەرشىلىگى بازالىق حالىقارالىق ستاندارت بولىپ تابىلاتىنىن اتاپ ءوتتى. سوندىقتان وسى باعىتتاعى جۇمىس ناتيجەلەرى قازاقستاندى ەىدۇ جانە گرەكو ساراپشىلارىنىڭ باعالاۋى اياسىندا وتە ماڭىزدى بولماق.
ونىڭ ايتۋىنشا, بيىل كۇزدە سىبايلاس جەمقورلىققا قارسى ءىس-قيمىلدىڭ قازاقستاندىق جۇيەسىنىڭ جوعارى ەۋروپالىق ستاندارتتارعا سايكەستىگىن باعالاۋ ماقساتىندا ەۋروپا كەڭەسىنىڭ سىبايلاس جەمقورلىققا قارسى مەملەكەتتەر توبى (گرەكو) ساراپشىلارىنىڭ ەلىمىزگە العاشقى ساپارى جوسپارلانعان.
