ونلاين-شاراعا ەاەو-عا مۇشە مەملەكەتتەردىڭ قارجى, ەكونوميكا مينيسترلىكتەرىنىڭ, سونداي-اق, ورتالىق بانكتەردىڭ باسشىلارى مەن ولاردىڭ ورىنباسارلارى قاتىستى. وتىرىس ەەك ينتەگراتسيانىڭ نەگىزگى باعىتتارى جانە ماكروەكونوميكا ءمينيسترى سەرگەي گلازەۆتىڭ باسشىلىعىمەن ءوتتى.
وتىرىس بارىسىندا «ەاەو-عا مۇشە مەملەكەتتەردىڭ 2021–2022 جىلدارعا ارنالعان ماكروەكونوميكالىق ساياساتىنىڭ نەگىزگى باعدارلارى» قۇجاتىنىڭ جوباسى ۇسىنىلدى. باعدارلامالىق قۇجات ەاەو-عا مۇشە ەلدەردەگى ەكونوميكالىق داعدارىستىڭ سالدارىن جەدەل ەڭسەرۋگە باعىتتالعان. قۇجاتتىڭ نەگىزگى تارماقتارى ماكروەكونوميكالىق تۇراقتىلىق, كاسىپكەرلىك بەلسەندىلىكتى قالپىنا كەلتىرۋ ءۇشىن قولايلى جاعدايدى قالىپتاستىرۋ جانە ەاەو ىشكى نارىعىنىڭ مۇمكىندىكتەرىن كەڭەيتۋدى قامتيدى. وتىرىس سوڭىندا قۇجات ەاەو ورگاندارى دەڭگەيىندە ودان ءارى قاراۋعا ۇسىنىلدى.
كەزدەسۋ قورىتىندىسى بويىنشا ەاەو مۇشە مەملەكەتتەرى ءۇشىن ەكونوميكالىق دامۋدىڭ تۇراقتىلىعى ينديكاتورلارىنىڭ شەكتى ساندىق ماندەرىنەن اسىپ تۇسكەن ۇسىنىستار ازىرلەنەدى. ۇسىنىستار ورتا مەرزىمدى پەرسپەكتيۆادا مەملەكەتتىك بيۋدجەتتى, مەملەكەتتىك قارىزدى جانە ينفلياتسيانى تۇراقتاندىرۋعا باعىتتالادى.
سونداي-اق قاتىسۋشىلار ەاەو-عا مۇشە مەملەكەتتەردىڭ تاجىريبەسى مەن الەمدىك تاجىريبەنى ەسكەرە وتىرىپ, ەكونوميكالىق دامۋعا نىسانالى كومەكتەسۋ, ەۋرازيالىق ينۆەستيتسيالىق جانە عىلىمي-تەحنولوگيالىق كونسورتسيۋمداردى قالىپتاستىرۋ مەحانيزمدەرى سالاسىنداعى زەرتتەۋلەردى قامتيتىن 2021–2022 جىلدارعا ارنالعان عىلىمي-زەرتتەۋ جۇمىستارىنىڭ جوسپارىن ماقۇلدادى.
كونسۋلتاتيۆتىك كوميتەتتىڭ كەلەسى وتىرىسى وسى جىلدىڭ قازان ايىندا وتەدى.
