وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, 4 ساۋىردە ساعات 06.43-تە ۆەسەلوۆكا كەنتىندەگى لەنين كوشەسىندە ورنالاسقان جەكە تۇرعىن ۇيدە ءورت شىققان. وقيعا ورنىنا بىردەن ءورت سوندىرۋشىلەر اتتاندى.
«قۇتقارۋشىلار جەتكەن كەزدە وتقا ورانعان ۇيدەگى گاز باللونى جارىلدى. تۋىستارى ۇيدە مۇگەدەك ايەل بولۋى مۇمكىن ەكەندىگىن ايتقان. ءورت سوندىرۋشىلەر جانىپ جاتقان تۇرعىن ۇيگە كىرىپ, 1969 جىلعى ايەلدىڭ دەنەسىن تاۋىپ الدى. انىقتالعانداي, ول I توپ مۇگەدەگى بولعان», دەلىنگەن حابارلامادا.
الدىن الا مالىمەت بويىنشا ءورتتىڭ شىعۋىنا ەلەكتر جابدىقتارىن پايدالانۋ كەزىندە ءورت قاۋىپسىزدىگى تالاپتارىن ساقتاماۋ سەبەپ بولعان.
جالپى اۋدانى 45 شارشى مەتردى قۇراعان جالىن كوپ ۇزاماي اۋىزدىقتالدى. ءورتت سوندىرۋگە جەكە قۇرامنان 7 ادام مەن 2 بىرلىك تەحنيكا جۇمىلدىرىلدى.
