بۇگىنگى تاڭدا ۇلىبريتانيادا 18 ميلليوننان استام ادام وسى ەكپەنى سالدىرىپ ۇلگەرگەن. بۇل حابار ەۋروپانىڭ بىرنەشە ەلى مەن كانادا ترومبوز قاۋپىنەن قورقىپ, ۆاكتسينانى بەلگىلى جاس توپتارى ءۇشىن توقتاتۋ تۋرالى شەشىممەن قاتار كەلىپ وتىر. دارىلىك زاتتار مەن مەديتسينالىق بۇيىمداردى رەتتەۋ جونىندەگى بريتاندىق اگەنتتىك (MHRA) بۇل ادامداردىڭ ءولىمى ۆاكتسينامەن بايلانىستى ما, جوق پا, الدە بۇل جاي عانا كەزدەيسوقتىق پا ەكەندىگى بەلگىسىز ەكەنىن ايتقان. سونداي-اق اگەنتتىكتىڭ اتقارۋشى ديرەكتورى دجۋن رەين ۆاكتسينانىڭ COVID-19 ىندەتى مەن ونىڭ اسقىنۋلارىنىڭ الدىن الۋداعى پايداسى كەز كەلگەن قاۋىپتەن اسىپ تۇسەتىنىن مالىمدەدى. ول شاقىرتۋ العان ازاماتتار ەشنارسەگە قاراماستان, كەلىپ ەكپە الۋى كەرەك دەگەن پىكىر بىلدىرگەن.
AstraZeneca ۆاكتسيناسىن العانداردىڭ اراسىندا قاننىڭ ۇيۋى پايدا بولعانى تۋرالى حابارلامالاردان كەيىن كەيبىر ەلدەردىڭ رەتتەۋشى ورگاندارى ەكپەگە نەمەسە ادامدار جاسىنا ءتۇرلى شەكتەۋلەر ەنگىزە باستادى. ماسەلەن, نيدەرلاندى ايەلدەر اراسىندا ترومبوز پايدا بولعان جاڭا بەس جاعدايدان كەيىن 60 جاسقا دەيىنگى ادامداردى بۇل پرەپاراتپەن ۆاكتسينالاۋدى توقتاتقان. ولاردىڭ بىرەۋى قايتىس بولدى. گەرمانيا دا ءدال وسىنداي شەشىمدى اپتانىڭ باسىندا قابىلداپ ۇلگەرگەن. كانادا دا 55 جاسقا دەيىنگى ادامدارعا ۆاكتسينانى قولدانۋدى شەكتەپ وتىر.
ۇلىبريتانيادا 31 ميلليوننان استام ادام AstraZeneca مەن BioNTech-Pfizer ۆاكتسيناسىنىڭ العاشقى دوزاسىن العان. ناتيجەسىندە, ەلدەگى ۆيرۋس جۇقتىرعانداردىڭ سانى كۇرت تومەندەپ, ىندەتتەن قايتىس بولعانداردىڭ ۇلەسى ازايعان.
