قوعام • 05 ءساۋىر، 2021

وتپەن ارپالىسۋ وسالدىڭ ءىسى ەمەس

58 رەت كورسەتىلدى

اقتوبە قالاسىنداعى №1مامانداندىرىلعان ءورت ءسوندىرۋ ءبولىمى باستىعىنىڭ مىندەتىن اتقارۋشى مۇقان ءامىر – تاجىريبەلى قۇتقارۋشى، ءارى ءورت ءسوندىرۋشى. وسى سالادا قىزمەت اتقارعان ون ءۇش جىل ىشىندە نەلەر توتەنشە وقيعالاردىڭ كۋاسى بولدى، تالاي مارتە باسىن قاتەرگە تىگە وتىرىپ ادامدار ءومىرىن قۇتقاردى، وزەكتى ورتەر كورىنىستەردىڭ دە كۋاسى بولدى.

ءورت ءسوندىرۋشى مەن قۇت­قا­رۋشى قىزمەتتەرىن قاتار ۇش­­تاستىرۋ وڭاي ەمەس. وتتان قور­عايتىن اۋىر كيىم مەن قاجەتتى قۇرىل­عىلاردى ارقالاي ءجۇ­رىپ، جالىن شاشقان ء«تىلسىز جاۋ­دىڭ» وتىندە، وپىرىلىپ تۇسكەلى تۇرعان قابىرعالاردىڭ اراس­ىندا قالعان ادامدى ساناۋلى سەكۋند ىشىندە الىپ شىعا ءبىلۋ قۇتقارۋشىنىڭ ەرىك-جىگەرىن عانا ەمەس، دەنە كۇشىنىڭ دايىندىعىن دا تالاپ ەتەدى. جالىنمەن الىسقان قاس قاعىم ءسات ءورت ىشىندە قالعان ادام تاعدىرىن شەشەدى.

ول 2008 جىلى ەلىمىزدىڭ قارۋلى كۇشتەرىندە اسكەري بورىشىن وتەپ كەلگەن بويدا بىردەن اقتوبە قالاسىنداعى №1 مامانداندىرىلعان ءورت ءسوندىرۋ بولىمىنە قاتارداعى قۇتقارۋشى بولىپ ورنالاس­تى. كوپ كەشىكپەي سانكت-پەتەربۋرگتەگى ورتكە قارسى قىز­مەت ينستيتۋتىندا وقىپ، ديپلوم الىپ كەل­گەننەن كەيىن تاڭداپ كەلگەن ما­مان­دىعىنىڭ قىر-سىرىنا تە­رەڭ­دەي ءتۇستى. ادام مەن تەحنيكاعا ءال بەرمەي ارپالىسقان وت-جالىننىڭ بەتىن قايتارۋ كەزىندە كوك ءتۇتىن مەن ۋلى گازدىڭ اراسىندا قالعان ادامدى قۇتقارۋ، اسىرەسە، جاس بالالاردى امان الىپ شىعۋ قۇتقارۋشىنىڭ جىل­دامدىعىن، مىقتىلىعىن، شۇعىل ارەكەت ەتە ءبىلۋ قابىلەتىن سىنعا سالادى. ەكىنشى جاعىنان وت ورتاسىنا تۇسكەندە توتەنشە جاعداي كەزىندە قولدانىلاتىن ساقتىق ەرەجەلەرىن مۇقيات ساقتاپ، ءوز باسىن دا امان الىپ شىعا ءبىلۋ كەرەك. كەز كەلگەننىڭ قولىنان كەلە بەرمەيتىن ەرلىك وسىندايدا كورىنەدى.

ون ءۇش جىل ىشىندە وبلىس­تا­عى ەڭ كۇردەلى ءورت ءسوندىرۋ وپە­راتسيالارىنا قاتىسقان تاجىري­بە­لى ماماننىڭ ەسىندە تالاي جۇرەكتى اۋىرتار كورىنىستەر قالدى. ءورت ءسوندىرۋشى دە ادام. كەيبىر قىپ-قىزىل ءورت جادىندا وشپەس سۋرەت بولىپ قالىپ قويادى. قانشا ۋاقىت وتسە دە، كەزدەيسوق سول ماڭنان ءوتىپ بارا جاتقاندا ەرىكسىز كوز الدىنا ەلەستەيدى.

مۇقان وتكەن جىلدىڭ قارا كۇزىندە قالا ورتالىعىنداعى «الاتاۋ» ساۋدا ۇيىنەن شىق­قان ءورتتى ءالى ۇمىتقان ەمەس. دابىل تۇسە سالىسىمەن جەدەل­دەتە جەتكەن توپ وپەراتور بول­مەسىنەن شىققان جالىن ۇياسىن تەز انىقتاپ، سوندىرۋگە ارەكەتتەنگەنىمەن، وت ءاپ ساتتە اۋماعى مىڭداعان شارشى مەتر، بيىك عيماراتتىڭ شاتىرىنا قاراي ورلەدى. كورشى عيماراتقا قاراي ءورشىپ كەتۋى ابدەن مۇمكىن ەدى. ونىڭ ۇستىنە، ساۋدا ورتالىعىنداعى سورەلەردە تەز تۇتانعىش ماتەريالدار جەتكىلىكتى. ايتەۋىر، عيمارات ىشىندەگى ادامدار دەر كەزىندە سىرتقا شىعارىلدى. ارا­لارى بولىن­گەن ساۋدا نۇكتەلەرىنىڭ قا­بىر­عالارى اعاشتان ق­ا­لان­­عاندىقتان، ءورتتىڭ كۇ­شەيۋ قاۋپى تىم جوعارى. №1 بولىمشەنىڭ بىرنەشە ءورت ءوندىرۋ تەحنيكاسىنىڭ كۇشى جەتپەگەندىكتەن، قالا­دا­عى بار­لىق ءورت ءسوندىرۋ قىزمەتى تۇ­گەل وسى جەرگە جۇ­مىل­دى­رىل­دى. از ۋا­قىتتىڭ ىشىندە كوپ­تىڭ كۇشىمەن وت ءسون­دىرىلىپ، جا­لىن­نىڭ باسقا عي­ما­رات­تارعا شارپۋى­نا جول بەرىلمەدى.

ءورت ءسوندىرۋ قىزمەتى – نا­عىز ەرلەر­دىڭ جۇمىسى دەسەك، بۇل سالاعا بىلەك پەن جۇرەكتىڭ كۇشىن ۇشتاستىرعان، قاجەت كەزدە باسىن قاتەرگە تىگىپ تاۋە­كەل ەتە الاتىن ازاماتتار كەرەك. بۇل مامان­دىق­تىڭ ەڭ ماڭىزدىلىعى – ادام ءومىرىن ساقتاپ قالۋدا. ابايسىزدا تۇ­تان­عان سىرىڭكەدەن ادامداردىڭ جىلدار بويى جيناعان دۇنيە-مۇلكىنىڭ ءبىر ساتتە كۇلگە اي­نال­عانىن كوزبەن كورۋ دە اۋىر. سوندىقتان دا ءورت سون­دىرۋشىلەر ەرەسەكتەرگە ءۇي-جايدى ۇزاق ۋاقىت قاراۋسىز، جاس بالالاردى با­قىلاۋسىز قالدىرۋدان اباي بولۋدى ەسكەرتۋدەن جالىقپايدى. ويت­كەنى كوپ جاعدايدا ءورتتىڭ شى­عۋىنا ادامداردىڭ بەيقام­دى­عى مەن سالعىرتتىعى سەبەپ بولىپ جاتادى.

مۇقان ءامىر 2020 جىلدىڭ سوڭ­عى ايىندا ءوزى قىزمەت ەتەتىن №1 ما­مان­داندىرىلعان ءورت ءسوندىرۋ ءبولىمى باستىعىنىڭ مىندەتىن اتقارۋشى بولىپ تاعايىندالدى. وسى قىزمەتكە كەلگەن جاس قىزمەتكەرلەرگە ون ءۇش جىل ادام ءومىرىن قۇت­قارۋمەن اينالىسىپ كەلە جاتقان مۇقاننىڭ ەڭبەك جولى ۇلگى. ول قولى بوس ۋاقىتىندا جاتتىعۋ زالىنان شىقپايدى. ويتكەنى ومىرىنە قاۋىپ تونگەن ادامدى قۇتقارۋ، لاپىلداعان وتپەن ارپالىسۋ وسالدىڭ ءىسى ەمەس. ءورت بولىپ جاتقان كوپ قاباتتى تۇرعىن ۇيلەر مەن عيماراتتارعا 20 مەترلىك سۋ تولى وقپاندى يىققا ءىلىپ، اۆتوساتىمەن جوعارى ورمە­لەۋ­گە قانداي كۇش قاجەت­تىگىن باعام­داي بەرىڭىز. بۇل تۇر­عى­دا سپورت­تىڭ بەرەر پايدا­سى زور. مۇقان ءامىر بولسا، بىرنەشە جىلدان بەرى سپورتتىڭ گرەپپلينگ، دجيۋ-دجيتسۋ تۇرلەرىمەن شۇعىل­دا­نا­­دى. وتباسىندا 3 قىز، 2 ۇل تاربيەلەپ وتىرعان باقىتتى اكە وسىلايشا قاي جاعىنان دا قاتارلاستارىنا ۇلگى. ومىردە اينالاسىنا شۋاق شاشىپ جۇرەتىن، جاۋاپكەرشىلىگى مول، ىسىنە تياناقتى، سوزىنە بەرىك مۇقان سياقتى ازاماتتار قاي كەزدە دە كەرەك-اق.

 

اقتوبە وبلىسى

 

سوڭعى جاڭالىقتار

كاسپي جاعالاۋىندا قوقىس كوپ

ەكولوگيا • بۇگىن، 20:47

قازان-نۇر-سۇلتان اۋە رەيسى اشىلادى

قازاقستان • بۇگىن، 18:45

COVID-19: وڭىرلەردەگى جاعداي كۇردەلى

كوروناۆيرۋس • بۇگىن، 18:03

نۇر-سۇلتاندا قانداي ۆاكتسينالار بار؟

كوروناۆيرۋس • بۇگىن، 17:19

الماتىدا قويما ورتەنىپ جاتىر

ايماقتار • بۇگىن، 10:30

ۇقساس جاڭالىقتار