«بۇگىن ەلىمىزدىڭ گەولوگتارى سالاداعى كاسىبي مەرەكە – گەولوگتار كۇنىن اتاپ وتۋدە. بۇل اتاۋلى داتانى وسىدان 10 جىل بۇرىن قر تۇڭعىش پرەزيدەنتى نۇرسۇلتان نازارباەۆ بەلگىلەپ بەردى. ءبىز كەن ورىندارى مەن سالانىڭ دامۋى تۋرالى ايتقاندا ۇلى عالىم قانىش ساتباەۆ پەن ونىڭ مۇددەلەستەرىن دە زور قۇرمەتپەن ەسكە الامىز. ينجەنەر-گەولوگتاردىڭ ەڭبەگىمەن ەلىمىزدىڭ تۇراقتى ەكونوميكالىق دامۋىن قامتاماسىز ەتىپ كەلە جاتقان بارلىق كەن ورىندارى اشىلدى دەسەك بولادى», دەپ جازدى مينيستر.
ۆەدومستۆو باسشىسى ەلىمىزدىڭ يندۋستريالدىق دامۋى گەولوگيالىق سالاسىنا تىكەلەي تاۋەلدى ەكەنىن اتاپ ءوتتى.
«يگەرىلىپ جاتقان كەن ورىندارىنىڭ كوپتىگىنە قاراماستان, قازاقستاننىڭ جەر قويناۋىنىڭ جاڭا اشىلۋلار ءۇشىن ءالى دە پوتەنتسيالى جوعارى. مينەرالدىق شيكىزاتقا دەگەن وسى پەرسپەكتيۆانىڭ بارلىعى دا ەلىمىزدىڭ كەلەشەك ەكونوميكاسى ءۇشىن وتە ماڭىزدى. قازاقستاننىڭ يندۋستريالدىق دامۋى مەن ينۆەستيتسيالىق نىسانداردىڭ سالىنۋى سالانىڭ احۋالىنا, ينفراقۇرىلىمىنا, كاسىبي كادرلارعا, تەحنولوگيالىق جانە عىلىمي قامتاماسىز ەتىلۋىنە تىكەلەي بايلانىستى. گەولوگيا سالاسىنىڭ بارلىق قىزمەتكەرلەرى مەن ارداگەرلەرىن كاسىبي مەرەكەلەرىمەن قۇتتىقتايمىن! جەر قويناۋىن زەرتتەۋدە جاڭا اشىلۋلار تىلەيمىن. دەنساۋلىقتارىڭىز مىقتى, وتباسىلارىڭىز بەن جاقىندارىڭىز امان بولسىن!» دەدى ماعزۇم مىرزاعاليەۆ.
