بۇل تەكسەرۋ قۇرلىق اسكەرلەرىنىڭ, اۋە قورعانىسى كۇشتەرىنىڭ جانە اسكەري-تەڭىز كۇشتەرىنىڭ بولىمشەلەرىن قامتىدى.
گەنەرال-لەيتەنانت نۇرلان ەرمەكباەۆ 2020 جىلى اسكەرلەرگە جاۋىنگەرلىك وقۋ-جاتتىعۋدىڭ ماڭىزدى باعىتى رەتىندە ەنگىزىلگەن, تاكتيكالىق اتىس جاتتىعۋلارىن ورىنداۋ بارىسىمەن تانىستى.
بۇدان وزگە تەكسەرۋگە سۋعا دەسانت ءتۇسىرۋ مەن كەمەلەردىڭ ديۆەرسياسىنا قارسى شارالاردى ورىندايتىن بولىمشەلەردىڭ جاۋىنگەر جۇزگىشتەرى دە قاتىستى. ال اسكەري-اۋە كۇشتەرىنىڭ ارميا اۆياتسياسى وسى كەزدە جەكە قۇرامدى جەتكىزۋ مەن دەسانت ءتۇسىرۋ مىندەتتەرىن ورىندايدى.
جۋىردا اسكەرلەردە جەڭىل تەحنيكامەن تىكۇشاقتاردان دەسانت ءتۇسىرۋ تاسىلدەرى, سونداي-اق توتەنشە جاعدايلاردا پسيحولوگيالىق تۇراقتىلىقتى ارتتىرۋ بويىنشا ارنايى جاتتىعۋلار پىسىقتالعانىن ايتا كەتكەن ءجون.
سونىمەن قاتار, قورعانىس ءمينيسترى گارنيزوننىڭ اسكەري بولىمدەرىنىڭ قويمالارىندا قارۋ-جاراق پەن وق-دارىلەردى ساقتاۋدىڭ ۇيىمداستىرىلۋىن تەكسەردى.
قورعانىس ۆەدومستۆوسىنىڭ باسشىسى اسىرەسە, ءورت پەن ديۆەرسياعا قارسى قاۋىپسىزدىكتىڭ جاي-كۇيىنە, تەحنيكالىق كۇزەت قۇرالدارىنىڭ دۇرىستىعىنا, سونداي-اق ساقتاۋ وبەكتىلەرىندە قاراۋىلدىق قىزمەتتى ۇيىمداستىرۋعا نازار اۋداردى.
