وسى ۋاقىتتا ۋچاسكەلىك ينسپەكتورلار ازامات قابدىراشيتوۆ پەن نازار مەڭدەكەەۆ قورشاۋدان سەكىرىپ ءتۇسىپ, مالدى شىعارۋ قاجەت بولار دەگەن ويمەن قورا-قوپسىنى تەكسەرگەن. ەڭ باستىسى, جانىپ جاتقان سارايدان ولار وت شارپۋعا جاقىن قالعان 50 ليترلىك گاز باللوندى قولداسىپ كوتەرىپ, اۋلاققا, قاقپانىڭ سىرتىنا الىپ شىققان. ەگەر وسى باللون جارىلعاندا بۇل ءۇي عانا ەمەس جاپسارلاتا سالىنعان كورشى ۇيلەردىڭ امان قالۋى ەكىتالاي ەدى...
ودان ءارى كورشىلەرمەن بىرگە ءتارتىپ ساقشىلارى ءورتتى سوندىرۋگە تىرىسقان. التى مينۋتتان كەيىن ءورت ءسوندىرۋ قىزمەتى دە جەتەدى. 14 شارشى مەتر جەردى جايلاعان ءورت ۋاقىتىندا سوندىرىلەدى. ءورت سوندىرۋشىلەردىڭ كاسىبي شەبەرلىگىنىڭ ارقاسىندا قالعان عيماراتتار ب ۇلىنگەن جوق. «پوسەلكەلىك پوليتسيا بولىمشەسىنىڭ قىزمەتكەرلەرى قيىن جاعدايدا ساۋاتتى ءىس-ارەكەت جاساپ, قىراعىلىق تانىتتى. گاز بالون جارىلعان جاعدايدا سالدارى اۋىر بولار ەدى. پوليتسيا قىزمەتكەرلەرى حالىققا قىزمەت ەتۋ ىسىندەگى وزدەرىنىڭ ادالدىقتارىن كورسەتتى», - دەيدى قىزىلجار اۋدانى پوليتسيا ءبولىمى باستىعىنىڭ مىندەتىن اتقارۋشى, پوليتسيا پولكوۆنيگى پەتر كليموۆ.
