ايتۋلى جارىستىڭ ءبىر عاسىردان اسا تاريحى بار. ناقتىلاپ ايتساق, «فلاندريا تۋرىنىڭ» تۇساۋى سوناۋ 1913 جىلى كەسىلگەن. باس-اياعى ءبىر كۇنگە عانا سوزىلاتىن دودادا نەگىزىنەن جەرگىلىكتى سپورتشىلار توپ جارۋدا. وسىعان دەيىن 102 مارتە ۇيىمداستىرىلعان جارىستىڭ تەڭ جارتىسىنان كوبىن بەلگيالىقتار ۇتتى. ولاردان بولەك, يتاليا (10 رەت), نيدەرلاند (10 رەت), شۆەيتساريا (4 رەت), فرانتسيا (3 رەت), گەرمانيا (2 رەت), ۇلىبريتانيا (1 رەت), دانيا (1 رەت), نورۆەگيا (1 رەت) جانە سلوۆاكيانىڭ (1 رەت) ۆەلوشاباندوزدارى باس جۇلدەنى قانجىعالارىنا بايلادى. وكىنىشكە قاراي, جەڭىمپازدار قاتارىندا قازاقستاننىڭ بىردە-ءبىر وكىلى جوق.
ال تاياۋ كۇندەرى باستالاتىن كەزەكتى جارىستا ەۆگەني فەدوروۆ (قازاقستان), ەۆگەني گيديچ (قازاقستان), دميتري گرۋزدەۆ (قازاقستان), ۋگو ۋل (كانادا), بەنجامين پەرري (كانادا), نيكيتا ستالنوۆ (قازاقستان), ارتەم زاحاروۆ (قازاقستان) سىندى ۆەلوشاباندوزدار «ASTANA-PREMIER TECH» كلۋبىنىڭ ساپىندا ونەر كورسەتەدى.
