ايماقتار • 02 ءساۋىر، 2021

سقو: جالعىزباستى انا شەنەۋنىكتەردىڭ كەسىرىنەن مەملەكەتكە قارىز بولىپ وتىر

144 رەت كورسەتىلدى

سولتۇستىك قازاقستان وبلىسىندا شەنەۋنىكتەر جالعىز باستى انالاردى  جاردەماقىنى زاڭسىز الدى دەپ ايىپتادى، دەپ حابارلايدى Egemen.kz astanatv.kz-كە سىلتەمە جاساپ.

بۇعان دەيىن بيلىك  كۇنكورىس دەڭگەيى تومەن انالارعا الەۋمەتتىك تولەمدى وزدەرى ۇسىندى. الايدا كەيىنىرەك اكىمدىك قىزمەتكەرلەرىنىڭ قاتەلەسكەنى انىقتالادى. ەندى ايەلدەرگە جۇزدەگەن مىڭ تەڭگە قايتارۋعا تۋرا كەلەدى.

وسىلايشا ءۇش بالانىڭ اناسى ۆيكتوريا كراساۆينا اكىمدىككە 300 مىڭ تەڭگە قارىز بولىپ شىقتى. 2019 جىلى وتباسىنىڭ تابىسى ەڭ تومەنگى كۇنكورىس دەڭگەيىنەن تومەن بولدى. سودان كەيىن شەنەۋنىكتەر ايەلگە اتاۋلى الەۋمەتتىك كومەك رەسىمدەۋدى ۇسىندى. اي سايىن وتباسىعا 70 مىڭ تەڭگە تۇسكەن. بىراق جىل سوڭىندا شەنەۋنىكتەر تولەمدەردى قايتارۋدى تالاپ ەتكەن.

«اي سايىن بىزگە قوڭىراۋ شالىپ، وسى اقشانى قايتارۋدى تالاپ ەتۋدە. مەن ولارعا تولەيتىن اقشام جوق ەكەنىن ءتۇسىندىردىم. ءبىز ەشقانداي كىرىستى جاسىرمادىق، ءبىزدىڭ بارلىق كىرىستەرىمىز بازادا ساقتاۋلى تۇر»، دەيدى جالعىزباستى انا ۆ. كراساۆينا.

قاراقوعا اۋىلىندا ءۇش بالانىڭ اناسى وكسانا سۇلەيمەنوۆا دا وسىنداي جاعدايعا تاپ بولعان. ايەل جارتى جىل بويى مەملەكەتتەن اقشالاي كومەك الىپ جۇرگەندە بورىشكەرلەر تىزىمىنە كىرەمىن دەپ ويلاماعان. قازىر شەنەۋنىكتەر اقشانى قايتارۋدى تالاپ ەتتى، ويتكەنى ونىڭ تابىسى ەڭ تومەنگى كۇنكورىس دەڭگەيىنەن بار بولعانى 80 تەڭگەگە ارتىق بولعان.

سوڭعى جاڭالىقتار

ۇقساس جاڭالىقتار