ينەسسا ۆلاديميروۆنا اتتى Facebook قولدانۋشىسى وقيعا ورنىنان ۆيدەو تۇسىرگەن. ونىڭ ايتۋىنشا, جول كولىك وقيعاسىنا تولە بي كوشەسىندەگى جولدىڭ تەگىس ەمەستىگى سەبەپ. بۇعان دەيىن دە الماتىلىقتار وسى ماگيسترالدا جۇرگىزىلىپ جاتقان شەكسىز جوندەۋ جۇمىستارىنا بىرنەشە رەت شاعىمدانعان.
قالالىق موبيلدىلىك باسقارماسىنىڭ مالىمەتىنشە اۆتوبۋس جۇرگىزۋشىسى اينادان ءتۇسىپ قالعان دوڭگەلەگىن كورىپ, ۋاقىتىلى ارەكەت ەتكەن.
«جۇرگىزۋشى اۆتوبۋستى ۋاقىتىندا توقتاتىپ ۇلگەرگەن. قازىرگى ۋاقىتتا كەلەڭسىزدىكتەر تۇزەتىلدى, اۆتوبۋس ساياباققا ورالادى. جولاۋشىلاردىڭ ەشقايسىسى زارداپ شەككەن جوق. اۆتوپارك قىزمەتتىك تەرگەۋ جۇرگىزۋدە, وقيعانىڭ سەبەبى انىقتالادى», دەپ اتاپ ءوتتى اتالعان ۆەدومستۆونىڭ ءباسپاسوز قىزمەتى.
تولە بي كوشەسىندەگى جوندەۋ جۇمىستارىنىڭ جاعدايى ەنەرگوتيىمدىلىك جانە ينفراقۇرىلىمدىق دامۋ باسقارماسىنان دا ءتۇسىندىرىلدى. ۆەدومستۆونىڭ مالىمەتىنشە, اتالعان ماگيسترالدا مومىش ۇلىنان بايتۇرسىنوۆقا دەيىن قۇرىلىس-مونتاج جۇمىستارى جۇرگىزىلگەن. جۇمىستاردى «سۇڭقار» جانە «اگس پلاست» كومپانيالارى ورىنداعان.
