ونىڭ ايتۋىنشا, باياناۋىل جانە اقتوعاي اۋداندارىنداعى ەلدى مەكەندەر قۇتقارۋشىلار مەن بيلىكتىڭ باقىلاۋىندا. قاردىڭ كۇرت ەرۋى كەزىندە توپىراقتىڭ قاتىپ قالۋىن ەسكەرە وتىرىپ, تجد وكىلدەرى باياناۋىل اۋدانىنىڭ 101-ءشى شاقىرىمىنداعى جولدار ارقىلى ەرىگەن سۋدىڭ اسىپ كەتۋ مۇمكىندىگىن بولجايدى. بۇل جەرگە كوپىر سالىنىپ, اششىسۋ وزەنىنىڭ سۋىن وتكىزۋ ءۇشىن قوسىمشا ەكى سۋ وتكىزۋ قۇبىرى ورناتىلادى.
قۇرىلىسشىلار جول توسەمىن ءبىر مەتردەن ارتىق كوتەرەدى, بۇل كولىكتىڭ كەدەرگىسىز وتۋىنە كومەكتەسەدى. پاۆلودار قالاسىنىڭ تۇرعىن ءۇي-كوممۋنالدىق شارۋاشىلىعى ءبولىمىنىڭ باسشىسى يگور رىباس بريفينگىدە قالا كوشەلەرىنەن 500 مىڭ توننادان استام قار شىعارىلعانىن ايتتى.
«قازگيدرومەت» پاۆلودار فيليالىنىڭ باسشىسى مارجان قۇسايىنوۆا 1 قاراشادان 30 ناۋرىزعا دەيىن پاۆلودار وبلىسى مەن وبلىس ورتالىعىندا جاۋىن-شاشىننىڭ جيىنتىق مولشەرى نورمادان 20% جوعارى بولعانىنا نازار اۋداردى. 25 ناۋرىزداعى جاعداي بويىنشا قاردىڭ بيىكتىگى 25 سانتيمەتردى قۇرادى.
