2021 جىلدىڭ 1 ساۋىرىنەن باستاپ بجزق-دان تولەنەتىن اي سايىنعى زەينەتاقى تولەمىنىڭ مولشەرى قازاقستان رەسپۋبليكاسى ۇكىمەتىنىڭ 2013 جىلعى 2 قازانداعى № 1042 قاۋلىسىنىڭ (زەينەتاقى تولەمدەرىنىڭ مولشەرىن ەسەپتەۋدى جۇزەگە اسىرۋ ادىستەمەسىنە 2-قوسىمشا) ەرەجەلەرىنە سايكەس جاڭا ادىستەمە بويىنشا ەسەپتەلەدى. وسى ادىستەمەگە سايكەس زەينەتاقى تولەمدەرىن جۇزەگە اسىرۋدىڭ ءبىرىنشى جىلىنداعى زەينەتاقى تولەمدەرىنىڭ جىلدىق سوماسى زەينەتاقى جيناقتارى سوماسىنىڭ زەينەتاقى جيناقتارى تولەمدەرىنىڭ مولشەرلەمەسىنە كوبەيتىندىسى رەتىندە ەسەپتەلەتىن بولادى – 6,5 %.ودان كەيىنگى جىلدارى اي سايىنعى زەينەتاقى تولەمىنىڭ مولشەرى وتكەن جىلعى اي سايىنعى زەينەتاقى تولەمىنىڭ مولشەرىن زەينەتاقى تولەمدەرىن يندەكستەۋ مولشەرلەمەسىنە جىل سايىن ارتتىرۋ جولىمەن قايتا ەسەپتەلەتىن بولادى – 5%.
ەگەر زەينەتاقى جيناقتارىنىڭ سوماسى ءوتىنىش بەرگەن كۇنگە ەڭ تومەنگى زەينەتاقىنىڭ ون ەكى ەسەلەنگەن مولشەرىنەن اسپايتىن بولسا ءتيىستى قارجى جىلىنا بەلگىلەنگەن رەسپۋبليكالىق بيۋدجەت تۋرالى زاڭعا سايكەس اتالعان سوما الۋشىعا بجزق-ءدان بىر-اق رەت تولەنەدى ( 2021 جىلى – 519 264 تەڭگە = 12 * 43 272).
بجزق-دان زەينەتاقى تولەمدەرىن الۋ قۇقىعىن 2018 جىلعى 1 قاڭتارعا دەيىن ىسكە اسىرعان ادامدارعا زەينەتاقى تولەمىنىڭ جىل سايىنعى مولشەرى ەڭ تومەنگى زەينەتاقىنىڭ وتىز ەسەلەنگەن مولشەرىنەن كەم بولمايدى (2021 جىلى 30 ح 43 272= 1 298 160 تەڭگە). تولەمدەر بۇرىن تاڭدالعان كەستە بويىنشا جۇزەگە اسىرىلادى.
2018 جىلعى 1 قاڭتاردان باستاپ 2021 جىلدىڭ 1 ساۋىرىنە دەيىن زەينەتاقى تولەمدەرىن الا باستاعان زەينەتتەگى ادامدارعا تولەمدەردى ەسەپتەۋدىڭ جاڭا ادىستەمەسىندەگى وزگەرىستەردىڭ قاتىسى بولمايدى. 2021 جىلى ولار بجزق-دان ەسكى ادىستەمە بويىنشا (جيناقتار سوماسى اعىمداعى قۇن كوەففيتسيەنتىنە كوبەيتىلىپ, 12 ايعا بولىنگەن كەزدە) ەسەپتەلگەن تولەمدەردى الۋدى جالعاستىرا بەرەدى. بىراق 2022 جىلدان باستاپ ولاردىڭ قازىرگى الىپ جۇرگەن تولەمدەرىنىڭ سوماسى 5%-عا ۇلعايتىلاتىن بولادى.
بۇدان باسقا, زەينەتاقى تولەمدەرىنىڭ مولشەرىن ەسەپتەۋدى جۇزەگە اسىرۋ ادىستەمەسىندە بەلگىلى ءبىر ساناتتارعا جاتاتىن, ياعني مەرزىمسىز ۋاقىتقا بەلگىلەنگەن 1 نەمەسە 2-توپتاعى مۇگەدەكتىگى بار, سونداي-اق, جيناقتارى مىندەتتى كاسىپتىك زەينەتاقى جارنالارى ەسەبىنەن كەمىندە الپىس اي جيناقتالاتىن زياندى جانە قاۋىپتى وندىرىستەردە جۇمىس ىستەگەن الۋشىلار ۇشىن تۇزەتۋلەردى ارتتىرۋ كوەففيتسيەنتتەرى كوزدەلگەن. بۇل رەتتە, ەگەر ادامنىڭ بىرنەشە ساناتتارعا قاتىسى بولسا وندا ەڭ ۇلكەن مانگە يە تۇزەتۋ كوەففيتسيەنتى قولدانىلادى.
ەستەرىڭىزگە سالا كەتەيىك, بجزق-دان زەينەتاقى تولەمدەرى جەكە زەينەتاقى شوتىنداعى زەينەتاقى جيناقتارى تاۋسىلعانعا دەيىن جۇزەگە اسىرىلادى.
