“ەير استانا”

ۇلتتىق اۆياكومپانيا دەپ اتالعانىمەن, ۇلتتىق ەرەكشەلىگى جوق ءماجىلىستىڭ ەكونوميكالىق رەفورما جانە وڭىرلىك دامۋ كو­مي­تە­تىنىڭ كەڭەيتىلگەن وتىرىسىندا اۆيا­تسيا سالاسىنداعى باعانى قالىپ­­تاستىرۋ مەن جولاۋشىلارعا قىزمەت كورسەتۋ ماسەلەسى تال­قىلاندى, دەپ حابارلادى وسى پالاتانىڭ ءباسپاسوز قىزمەتى. وتىرىستى كوميتەت حاتشىسى مۇرات ابەنوۆ جۇرگىزىپ, ورتاعا تاستالىپ وتىرعان ماسەلە جايىندا ماعلۇمات بەرىپ, جۇمىس توبىنىڭ جەتەكشىسى اسحات بەكەنوۆ ءىس بارىسى جايىندا مالىمدەدى. ءبىرىنشى بولىپ ءسوز باستاعان كو­لىك جانە كوممۋنيكاتسيا مينيس­ترلىگىنىڭ ازاماتتىق اۆياتاسىمال كوميتەتىنىڭ توراعاسى رادىلبەك ءاديمولدا باستى ماسەلە ادەتتەگىدەي جولاۋشىلارعا قىزمەت كورسەتۋدىڭ ساپاسىن قاشاندا ارتتىرا بەرۋ بولىپ تابىلاتىنىنا توقتالدى. ءسوز كەزەگىندە “ەير استانا” اق پرەزيدەنتى پيتەر فوستەر ءوز كومپانياسىنىڭ اتقارىپ وتىرعان جۇمىسىنان حاباردار ەتتى. ونىڭ مالىمدەۋىنشە, 2002 جىلدان بەرى “ەير استانانىڭ” تۇتىنۋ يندەكسى 83 پايىزعا وسكەن. جانار-جاعار ماي قۇنى وتكەن جىلى ەلىمىزدە تومەن­دەدى دەگەنمەن, ولاردا 76 پايىزعا كوتەرىلگەن. قىزمەت كورسەتۋ قۇنى الماتىدا 25 پايىزعا وسكەن بولسا, استانادا 106 پايىزعا اسپانداعان. “سوندا دا “ەير استانا” اق باعانى وسىرگەن ەمەس”, – دەگەن كومپانيا باسشىسىنا دەپۋتاتتار  ىشكى باعىت­تارداعى باعالاردىڭ جوعارىلىعىن, قىزمەت كورسەتۋدە اسپاننان باعا الىپ قويا سالاتىندىقتارىن ايتىپ سۇراقتىڭ استىنا الدى. دەپۋتات نۇرلان ونەرباي “ەير استانا” ۇلتتىق اۆياكومپانيا دەپ اتالعانىمەن, ۇلتتىق ەرەكشەلىگى جوق. مەملەكەتتىك ءتىلدى قولدانۋ جاعدايى كونستيتۋتسياعا ساي كەل­مەيدى”, – دەپ سىن ايتىپ, بەلگى­لەگەن باعالارى جولاۋشىلارعا سول دەڭگەيدە جەتپەيدى, 19000 تەڭگە تۇراتىن بيلەتتى ءارتۇرلى سىلتاۋ ايتىپ 23000-نان تۇسىرمەۋگە تىرىسادى. ءVىP قىز­مەت دەگەنگە ءبىزدىڭ وتباسى مۇشە­لەرىمىزدەن 15000 تەڭگەدەن قاعىپ الادى, مۇنداي تاجىريبە الەمدە جوق”, – دەگەن وتكىر سىن ايتتى. دەپۋتاتتار ايگۇل سولوۆەۆا مەن ەرجان راحمەتوۆ تە وسى باعىتتاعى سۇراقتار قويعانى­مەن, “ەير استانا” اق پرەزيدەنتى ماندىتىپ جاۋاپ بەرە الماي, ءوز قىزمەتىن ايتىپ وتىرا بەردى. ارىپتەستەرىنىڭ سۇراقتارىنا ماردىمدى جاۋاپ بولماسا دا امان­قوس وتەگەنوۆ, ۆالەري دوسكالوۆ, ەلەنا تاراسەنكو قوسىمشا سۇراقتار قويدى. ءماجىلىستىڭ ەكونوميكالىق رەفورما جانە وڭىرلىك دامۋ كومي­تەتىنىڭ كەڭەيتىلگەن وتىرىسىندا اۆياتسيا سالاسىنداعى باعانى قالىپتاستىرۋ مەن جولاۋشىلارعا قىزمەت كورسەتۋ ماسەلەسى ءدال دە­پۋتاتتار كۇتكەندەي بولىپ شىق­پادى.