ساياسات • 02 ءساۋىر، 2021

كۇن تارتىبىندە – ايەلدەر قۇقىعى

8 رەت كورسەتىلدى

مەكسيكا استاناسىندا ونلاين فورماتتا «تەڭ قۇقىلى ۇرپاق: ايەلدەر قۇقىعى مەن تەڭ قۇقىلى بولاشاقتى قورعاۋ» تاقىرىبىندا جاھاندىق فورۋم اياقتالدى. فورۋمنىڭ باستى كۇن ءتارتىبى – بۇكىل الەمدە گەندەرلىك تەڭدىك جانە ايەلدەردىڭ مۇمكىندىكتەرىن كەڭەيتۋ ماسەلەلەرى.

فورۋم ايەلدەر جاع­دايى جو­نىن­دەگى دۇنيەجۇزىلىك كونفە­رەن­تسيانىڭ 25 جىلدىق قورى­تىن­دىسىن شىعارۋعا جانە بەيجىڭ دەكلاراتسياسى مەن ءىس-قيمىل پلاتفورماسىن قا­بىلداۋعا ارنالعان العاشقى اۋقىمدى ءىس-شارا بولىپ تابىلادى. وعان ۇكىمەتتەر، پار­لامەنتشىلەر، ازاماتتىق قو­عام، كاسىپوداقتار مەن باق قاتىسۋدا. ءىس-شارا مەك­سيكا مەن فرانتسيا ۇكىمەت­تەرىنىڭ باستاماسىمەن «بۇۇ-ايەلدەر» قۇرى­لىمىنىڭ قولداۋىمەن وتكى­زىلۋ­دى ور­تالىق ازيا وڭى­رى­نەن تەك قازاقستان عانا قا­تىسۋعا ءوتى­نىم بەردى. ءبىز­دىڭ ەلىمىز ەكونو­ميكالىق ادى­لەت­تىلىك پەن زورلىق-زومبى­لىققا قارسى ءىس-قيمىل كواليتسيا­لارى­نىڭ جۇمىسىنا قاتىستى.

قازاقستاندىق دەلەگاتسيا­نى پرەزيدەنت جانىن­داعى ايەل­دەر ىستەرى جانە وتبا­سىلىق-دەمو­گرا­فيالىق ساياسات جونىندەگى ۇلت­تىق كوميس­سيانىڭ ءتورايىمى لاززات رامازانوۆا باسقاردى.

ءوز سوزىندە ول قازاق­­ستان­­نىڭ تۇڭعىش پرەزي­دەنتى – ەلباسى نۇرسۇلتان نازارباەۆتىڭ باستاماسى بو­­يىنشا ەلى­مىز­دە ايەل­دەر ىستەرى جانە وتباسىلىق-دەمو­گرافيالىق ساياسات جونىن­دەگى ۇلتتىق كوميسسيا سىندى ينس­تي­تۋتسيونال­دىق مەحانيزم قۇرىلعانىن اتاپ ءوتتى. كو­ميس­سيا ەلدەگى ايەلدەردىڭ مۇم­كىن­دىكتەرىن كەڭەيتۋگە بايلانىس­تى كەڭ اۋقىمدى ماسەلەلەردى شەشۋگە جاردەمدەسۋگە ار­نالعان. «بۇ­گىنگى تاڭدا ۇلت­تىق كوميس­سيانىڭ جوعارى مارتەبەسى وعان بيلىكتىڭ زاڭ شىعارۋشى جانە ات­قارۋشى تارماقتارىنىڭ، سون­داي-اق ازاماتتىق قوعامنىڭ ءتيىم­دى ارىپتەستىك تەتىكتەرىن قۇ­رۋ مەن قامتاماسىز ەتۋدە كەڭ وكى­لەت­تىكتەر بەرەدى. جو­عارى جانە جەر­گىلىكتى وكىلدى ور­­گان­داردا ايەل­دەردىڭ ۇلە­سىن ارت­تىرۋ بويىنشا قابىل­دا­نىپ جات­قان شارالار، ەلى­مىز­دىڭ بار­لىق وڭىرلەرىندە ايەل­دەر­دى قول­داۋ جونىندەگى باع­دار­لا­مالار، سون­داي-اق وتباسى­لىق جانە گەن­دەر­لىك ساياسات تۇجى­رىم­داما­سىن ىسكە اسىرۋ قازاق­ستان­نىڭ  گەن­دەر­­لىك دامۋ يندەكسىندە جوعا­رى پو­زي­تسياعا يە بولۋىنا مۇمكىن­دىك بەر­دى»، دەپ مالىمدەدى ل.رامازانوۆا.

قازاقستاندىق دەلەگا­تسيانىڭ باسشىسى ايەلدەردىڭ مۇم­كىن­دىكتەرىن كەڭەيتۋ ماسە­لەلەرى ەلىمىزدىڭ ىشكى كۇن تارتىبىندە عانا ەمەس، حالىق­ارالىق دەڭگەيدە دە وزەكتى بولىپ تابىلاتىنىن اتاپ ءوتتى. ل.رامازانوۆا فورۋم­عا قاتىسۋشىلاردى قازاق­ستاندا قۇ­رىلىپ جاتقان ايەلدەر مەن ەر­لەر قۇقىقتارىنىڭ تەڭدىگى سا­لا­سىن­داعى ءبىلىم ورتالىعى بازا­سىن­دا ىنتىماقتاستىققا شاقىردى.

ايتا كەتەيىك، فورۋم مەحي­­كودا 29-31 ناۋرىز ارالى­عىندا وتسە، ول ءوز جۇمىسىن جازدا پاريجدە اياقتايدى. ءىس-شارا ايا­سىندا 2025 جىلعا دەيىن­گى كوپ­جاقتى ارىپتەستىك باعدار­لا­مالارىن باستاۋ ءراسىمى وتكىزىلدى.

سوڭعى جاڭالىقتار

مەرەكە قارساڭىندا ماراپاتتالدى

ايماقتار • بۇگىن، 13:58

6 مامىرعا ارنالعان ۆاليۋتا باعامى

ەكونوميكا • بۇگىن، 11:16

«چەلسي» فينالعا شىقتى

سپورت • بۇگىن، 10:48

«قىزىل ايماققا» قايتا ورالدى

ايماقتار • بۇگىن، 08:33

ۇقساس جاڭالىقتار