قوعام • 01 ءساۋىر، 2021

قازۇۋ-دا «ستۋدەنتتىك كوكتەم» بايقاۋىنىڭ جەڭىمپازدارى انىقتالدى

5578 رەت كورسەتىلدى

قر تاۋەلسىزدىگىنىڭ 30 جىلدىعىنا وراي جانە قر پرەزيدەنتى قاسىم-جومارت توقاەۆ "تاۋەلسىزدىك بارىنەن قىمبات" ماقالاسىنداعى ناۋرىز مەيرامىن تويلاۋ تۇجىرىمداماسىنا سايكەس، ءال-فارابي اتىنداعى قازاق ۇلتتىق ۋنيۆەرسيتەتىندە «ستۋدەنتتىك كوكتەم-2021» كوركەمونەرپازدار بايقاۋى ونلاين فورماتتا ۇيىمداستىرىلدى، دەپ حابارلايدى Egemen.kz.

بايقاۋدىڭ ماقساتى – جاستار اراسىندا سالت-ءداستۇردى نىعايتۋ، ۇلتتىق اسپاپتاردى قاستەرلەۋ، بەيبىتشىلىك پەن دوستىقتى نىعايتۋ، ۇلتتىق بىرەگەيلىكتى ساقتاۋ، قورشاعان ورتاعا جاناشىرلىقپەن قاراۋدى قالىپتاستىرۋ. الەمدە بولىپ جاتقان پاندەمياعا قاراماستان، قازۇۋ ستۋدەنتتەرى اسىعا كۇتەتىن بۇل بايقاۋعا قازۇۋ جاستارى بەلسەنە اتسالىستى. بايقاۋدىڭ ءادىل-قازى القالارىنا، ونەرى مەن ونەگەسى جاراسقان جاستاردىڭ اراسىنان ۇزدىگىن تاڭداۋ وڭايعا تۇسكەن جوق. دەگەنمەن، سايىستىڭ شارتى دا سول – وزا شاپقان جۇيرىكتەردى انىقتاۋ.

بايقاۋدىڭ باس جۇلدەسىن حيميا جانە حيميالىق تەحنولوگيا فاكۋلتەتى جەڭىپ الدى. فاكۋلتەتتىڭ ونەرلى ستۋدەنتتەرى «ناۋرىز» مەيرامىنىڭ قازاق حالقىنىڭ تاريحي وقيعالارىنا وراي ءوربۋىن اكتەرلىك شەبەرلىك، بي، ۆوكالدىق، اسپاپتا ورىنداۋشىلىق ونەرلەرىن ۇيلەستىرە وتىرىپ شەبەر جەتكىزە ءبىلدى.

1-ورىندى وزىندىك كرەاتيۆتى يدەياسىمەن ەرەكشەلەنگەن مەحانيكا جانە ماتەماتيكا فاكۋلتەتى يەلەندى. ۇجىمنىڭ ۇيىمشىلدىعى ۇيلەسە قيمىلداعان بيلەرىنەن كورىنىپ تۇر. قازاقتىڭ كونە ويۋ ورنەكتەرىن قايتا جاڭعىرتىپ، قۇمىرالاردى اشەكەيلەپ وتىرعان قىزدار مەن جاۋىرىنى قاقپاقتاي جىگىتتەردىڭ بەلدەسۋى «شەبەرلىك پەن شىمىرلىق» تاقىرىبىن تولىقتاي اشىپ تۇر. ايتا كەتەرلىك ەرەكشەلىكتەرى، ۇمىتىلىپ بارا جاتقان انشىلىك ونەر – ۇرمالى اسپاپتاردىڭ سۇيەمەلدەۋىمەن داۋىستى تاماقتان شىعارىپ ءان سالۋ.

2-ورىندى فيلولوگيا فاكۋلتەتى جانە جوعارى وقۋ ورنىنا دەيىنگى ءبىلىم بەرۋ فاكۋلتەتى يەلەندى. ستۋدەنتتەر قازاقستاننىڭ ءار اۋماعىندا بولسا دا، ارنايى رەكۆيزيتتەر تاۋىپ، ءتۇرلى ساحنالىق كوستيۋمدەر كيىپ، ۇلتتىق مەيرامىمىزدى ۇلىقتاۋمەن قاتار، ەستەتيكالىق سۇلۋلىققا باسىمدىق بەرگەن. جوعارى وقۋ ورنىنا دەيىنگى ءبىلىم بەرۋ فاكۋلتەتى بەينەروليكتەرىنىڭ شىمىلدىعىن «ەل بولامىن دەسەڭ – بەسىگىڭدى تۇزە» دەگەن قاناتتى سوزبەن اشىپ، بارماعىنان بال تامعان بۇلدىرشىندەردىڭ كۇيىمەن ءسۇيسىندىردى. سونىمەن قاتار، ۇلتتىق تاعامداردىڭ قۇنارلىلىعى مەن قۇندىلىعىن ۇتىمدى كورسەتە ءبىلدى.

3-ورىندى، جاستاردى تاريحقا تاعزىم ەتۋگە، تاۋەلسىزدىگىمىزدىڭ قادىرىن بىلۋگە، بەيبىت ەلدىڭ بايتاق جەرىن قاستەرلەۋگە ناسيحاتتايتىن كورسەتىلىمدەرىمەن ەرەكشەلەنگەن تاريح فاكۋلتەتى مەن فيلوسوفيا جانە ساياساتتانۋ فاكۋلتەتىنىڭ ستۋدەنتتەرى جەڭىپ الدى.

سايىسكەرلەردىڭ بارلىق جۇمىستارى @kaznuartcentr پاراقشاسىندا جاريالانىپ، جانكۇيەرلەردىڭ 5313 داۋىسى مەن 11736 پىكىرىن جيناعان حيميا جانە حيميالىق تەحنولوگيالار فاكۋلتەتى «جۇزدەن جۇيرىك، مىڭنان تۇلپار» نوميناتسياسىن دا يەلەندى. سونىمەن قاتار، @kaznu_kmo پاراقشاداعى داۋىستار مەن پىكىرلەر بويىنشا ۇزدىكتەردى انىقتاپ، ارنايى سىيلىق تابىستادى. قورىتىندى ناتيجە بويىنشا، مەحانيكا جانە ماتەماتيكا فاكۋلتەتىنىڭ ستۋدەنتتەرى «جالىندى جاستار» نوميناتسياسىمەن ماراپاتتالدى. سونداي-اق، ونەر دوداسىنا كوكتەمدەي كوڭىلدەرىمەن، ۇلتتىق ويىندارىمىز بەن سالت-ءداستۇرىمىزدى دارىپتەيتىن وسىناۋ مەرەكەنى ۇلىقتاۋعا ۇلەس قوسقان گەوگرافيا جانە تابيعاتتى پايدالانۋ، بيولوگيا جانە بيوتەحنولوگيا، حالىقارالىق قاتىناستار، شىعىستانۋ فاكۋلتەتتەرىنىڭ ونەرلى ستۋدەنتتەرىنە العىس بىلدىرەمىز.

سوڭعى جاڭالىقتار

ەلىمىزدە كۇن قايتا سالقىندايدى

اۋا رايى • بۇگىن، 16:53

ەسىل وزەنىنە جاڭا كوپىر سالىنادى

ايماقتار • بۇگىن، 15:16

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

بۇگىن ەلىمىزدە قاتتى ىستىق بولادى

قازاقستان • بۇگىن، 09:05

ۇقساس جاڭالىقتار