قوعام • 01 ءساۋىر، 2021

بيىل اقجار مەن تۇعىلدا «اشىق اكىمدىك» اشىلادى

16 رەت كورسەتىلدى

«ANTIKOR LIVE» جوباسى اياسىندا وتكەن تىكەلەي ەفيردە تارباعاتاي اۋدانىنىڭ اكىمى اسحات سمايلوۆ اۋداندا سىبايلاس جەمقورلىققا قارسى ستراتەگيانى جانە «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ بارىسى تۋرالى ايتتى، دەپ حابارلايدى Egemen.kz.

«وبلىس اكىمى دانيال كەنجەتاي ۇلىنىڭ قولداۋىمەن اقجار اۋىلىنا «Open Space» فورماتىندا «اشىق اكىمدىك» اشۋعا وبلىستىق بيۋدجەتتەن قارجى ءبولىنىپ، ءتيىستى جۇمىستار اتقارىلۋدا. سونداي-اق قوسىمشا تۇعىل اۋىلىنان «اشىق اكىمدىك» كەڭسەسىن اشۋدى جوسپارلاپ وتىرمىز. اۋدان تۇرعىندارىنا مەملەكەتتىك قىزمەت تۇرلەرىن كورسەتۋ ماقساتىندا 17 اۋىلدىق وكرۋگتە 20 وزىنە-ءوزى قىزمەت كورسەتۋ بۇرىشتارى اشىلدى. ونىڭ ون بەسى اۋىلدىق وكرۋگ اكىمشىلىكتەرىنىڭ عيماراتتارىندا، بىرەۋى مەكتەپ عيماراتىندا، ۇشەۋى اقسۋات، اقجار، تۇعىل اۋىلدىق وكرۋگتەرىنىڭ ورتالىق  كىتاپحانالارىندا ورنالاستىرىلسا، تاعى بىرەۋى تارباعاتاي اۋدانى اكىمدىگىنىڭ عيماراتىنداعى سەرۆيستىك ۇلگىدەگى «اشىق اكىمدىك» كەڭسەسىندە ورنالاستىرىلعان»، دەيدى اۋدان اكىمى اسحات سمايلوۆ.

سونىمەن قاتار اسحات سمايلوۆ اۋدانداعى مەملەكەتتىك ساتىپ الۋ بويىنشا اقپاراتپەن ءبولىستى:

– 2020 جىلى مەملەكەتتىك ساتىپ الۋدىڭ بىرىڭعاي ۇيىمداستىرۋشىسى ارقىلى 1 486،9 ملن تەڭگەگە  53 كونكۋرس وتكىزىلىپ، ودان ۇنەمدەلگەن قاراجات كولەمى  107،5 ملن  تەڭگە بولدى. ونىڭ ىشىندە: 177،0 ملن تەڭگەگە 20 اشىق كونكۋرس ءتاسىلى ارقىلى، 1 309،9 ملن تەڭگەگە 33 ارناۋلى ءتارتىپ قولدانىلعان كونكۋرس ءتاسىلى ارقىلى وتكىزىلدى. 2021 جىلى 2 003،5 ملن تەڭگەگە 23 كونكۋرس جوسپارلانىپ وتىر.

اۋدان اكىمىنىڭ سوزىنە سۇيەنسەك، مەملەكەتتىك ورگانداردىڭ قىزمەتىندە سىبايلاس جەمقورلىق تاۋەكەلدەرىن انىقتاۋدا ىشكى تالداۋ جۇرگىزۋ ءۇشىن اۋدانداعى جەرگىلىكتى بيۋدجەتتەن قارجىلاندىرىلاتىن مەملەكەتتىك مەكەمەلەردە جۇمىس توبى قۇرىلعان. 2020 جىلدىڭ جەلتوقسان ايىندا «تارباعاتاي اۋدانى اكىمىنىڭ اپپاراتى» مەملەكەتتىك مەكەمەسىندەگى بولىمدەرگە سىبايلاس جەمقورلىق تاۋەكەلدەرىنە ىشكى تالداۋ جۇرگىزىلىپ، اۋدان اكىمىنىڭ رەسمي سايتىندا جاريالانعان. بۇل جۇمىس بيىل اۋىلدىق وكرۋگتەر مەن بولىمدەر اراسىندا جالعاسىن تاپپاق.

«سىبايلاس جەمقورلىقتىڭ الدىن الۋ جانە  تاۋەكەلدىلىگىن تومەندەتۋ ماقساتىندا اۋدانىمىزداعى 17 اۋىلدىق وكرۋگ  اكىمى اپپاراتى جانە  15 مەكەمە بولىمدەرى «اشىق بيۋدجەت» ينتەراكتيتۆتى كارتاسىنا قوسىلعان. جالپى اۋدان بويىنشا بۇگىنگى كۇنگە 32 مەملەكەتتىك مەكەمەنىڭ 10 018 586، 0 مىڭ تەڭگە قارجىسى جاريالانىپ تۇر. بيۋدجەتتىڭ اشىقتىعى كەز كەلگەن ازاماتقا قول جەتىمدى بولۋ ءۇشىن 17 اۋىلدىق وكرۋگتىڭ ورتالىقتارىندا  «اشىق بيۋدجەت» ينتەراكتيۆتى كارتاسىنىڭ باننەرلەرى ورنالاستىرىلدى. «اشىق بيۋدجەت» جوباسىنا جاۋاپتى تۇلعا اۋداندىق ەكونوميكا جانە قارجى ءبولىمى باسشىسىنىڭ مىندەتىن اتقارۋشى ساحاريەۆ مەيىرجان مۇقان ۇلى بەكىتىلگەن»، دەپ اتاپ ءوتتى اۋدان باسشىسى.

سوڭعى جاڭالىقتار

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

ۇقساس جاڭالىقتار