وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ اقپاراتىنا قاراعاندا, اتىراۋداعى مودۋلدىك ينفەكتسيالىق اۋرۋحانانىڭ جانساقتاۋ بولىمىندە ناۋرىز مەرەكەسىنە دەيىن 11 ناۋقاس جاتقان. قازىر ولاردىڭ سانى 16-عا جەتىپ وتىر.
«جانساقتاۋ بولىمىندەگى ناۋقاستاردىڭ اراسىندا 12 ادام اۋىر حالدە, 4 پاتسيەنت وتە اۋىر حالدە جاتىر. ولاردىڭ سەگىزى – 65 جاسقا دەيىنگىلەر, تاعى 8 ناۋقاستىڭ جاسى 65-تەن اسقان. ناۋقاستاردىڭ 5-ەۋى وكپەنى جاساندى جەلدەتۋ اپپاراتىنا قوسىلعان. بارلىق ناۋقاس دەنساۋلىق ساقتاۋ باسقارماسىنىڭ باقىلاۋىنا الىندى. سونداي-اق كۇن سايىن نۇر-سۇلتان قالاسىنداعى ۇلتتىق مەديتسينانى ۇيلەستىرۋ ورتالىعىنىڭ, وزگە دە بەيىندى مامانداردىڭ كونسۋلتاتسيالارى وتكىزىلەدى», دەپ حابارلادى باسقارمانىڭ ءباسپاسوز قىزمەتىنەن.
