ينجەنەرلىك-تەحنيكالىق ماماندىقتار بويىنشا جوعارى ءبىلىم بەرەتىن الەمنىڭ كوپتەگەن سپورت كورپوراتسيالارىنىڭ عىلىمي-زەرتتەۋ زەرتحانالارى ورنالاسقان وقۋ ورنى «QS World University Rankings 2017» رەيتينگىندەگى ۋنيۆەرسيتەت.
لافبورو ۋنيۆەرسيتەتىندە گلەب ەلىمىزدە ۇلكەن سۇرانىسقا يە سپورت عىلىمىن يگەرەتىن بولادى. سپورت عىلىمى دەنە شىنىقتىرۋ جاتتىعۋلارىن جاساۋ كەزىندە دەنە قالاي جۇمىس ىستەيتىنىن, سپورتتىق جاتتىعۋلار ارقىلى دەنساۋلىقتى نىعايتۋ ماسەلەلەرىن, ادام اعزاسىنىڭ مۇمكىندىكتەرىن زەرتتەيدى. گلەبتىڭ سپورت عىلىمىن تاڭداۋداعى شەشىمى ءجۇزۋ, ۆەلوجارىس جانە جۇگىرۋدى بىرىكتىرەتىن مۋلتيسپورتتىق جارىس – ترياتلونمەن اۋەستەنۋىنە بايلانىستى. سونىمەن قاتار جۇگىرۋ, ۆەلوسيپەد ايداۋ, شاڭعى تەبۋ سياقتى ءۇش تسيكلدىق سپورت تۇرىنەن تۇراتىن قىسقى ترياتلوننىڭ دا وزىندىك ەرەكشەلىگى بار.
گلەب ترياتلونمەن وسىدان ءۇش جىل بۇرىن اينالىسا باستاعان. 12-20 ساعاتقا دەيىن التى كۇن بويى جاتتىعۋ الاڭىندا جۇرەتىن سپورتشى قىسقى ترياتلونعا قاتىسىپ, نازارباەۆ ۋنيۆەرسيتەتى اشىلۋىنىڭ ون جىلدىعىنا وراي وتكىزگەن ويىنداردا جەڭىسكە جەتكەن. «ترياتلون مەنىڭ ءومىرىمدى تۇبەگەيلى وزگەرتتى دەسەم بولادى, سوندىقتان مەن كەلەشەگىمدى سپورتپەن بايلانىستىرۋدى ءجون كوردىم. سپورت عىلىمىن تاڭداپ, ۋنيۆەرسيتەتتە تسيكلدىك سپورت تۇرلەرىندە زەرتتەۋلەر جۇرگىزۋدى وقىپ ۇيرەنەتىن بولامىن. قازىر مەن Nomad كلۋبىندا جاتتىعىپ ءجۇرمىن. وسى جازدا لانزەروت ارالىندا وتەتىن جارىستارعا قىزۋ دايىندالۋدامىن. بۇل الەمدەگى ەڭ قيىن ستارتتاردىڭ ءبىرى بولىپ سانالادى: جەل, اپتاپ ىستىق جانە 2500 مەتر بيىكتىككە كوتەرىلۋ سپورتشىلار ءۇشىن اۋىر سىن. ترياتلون ادامنىڭ بار مۇمكىندىكتەرىن اشادى, شىدامدى بولۋعا ۇيرەتەدى. مارەگە جەتكەندە بويىڭدى بيلەيتىن سەزىمدەردى سوزبەن جەتكىزۋ مۇمكىن ەمەس. ترياتلون ماعان ءوزىمدى تانۋعا جانە بۇكىل الەمدە جاڭا دوستار تابۋعا كومەكتەستى. زياتكەرلىك مەكتەپتە مەڭگەرگەن اعىلشىن ءتىلى جاڭا دوستار تابۋعا ىقپال ەتتى. مەنىڭ مەكتەبىم ماعان كەرەمەت كەلەشەككە جول اشىپ, بولاشاققا ۇلكەن قادام جاساۋ مۇمكىندىكتەرىن ۇسىنعانىنا قۋانامىن, – دەيدى گلەب ۆالياحمەتوۆ.
