توتەنشە جاعدايلار دەپارتامەنتىنىڭ مالىمەتىنشە, بيىل قاردىڭ بيىكتىگى نورمادان جوعارى, قار جامىلعىسىنداعى سۋ قورى دا نورمادان جوعارى. سۋ تاسقىنىنىڭ ىقتيمال اسقىنۋى قاراسۋ, قارابالىق, مەڭدىقارا, ۇزىنكول, سارىكول, اۋليەكول, جىتىقارا اۋداندارىندا, ب.مايلين اۋدانىندا جانە قوستانايدا بولۋى مۇمكىن. تاسقىن جانە ەرىگەن قار سۋ باسۋى مۇمكىن ايماقتاردا 95 ەلدى مەكەن بار.
«بۇل ەلدى مەكەندەردە حالىق ساناعى, ءۇي جانۋارلارىنىڭ تىزىمدەمەسى جۇرگىزىلدى, حالىقتى ورنالاستىرۋ ورىندارى دايىندالدى جانە جانۋارلاردى ايداپ اكەتۋ ورىندارى بەلگىلەندى. سۋ تاسقىنى سالدارىنان جول ينفراقۇرىلىمىنىڭ بۇزىلۋىنا جول بەرمەس ءۇشىن سۋ وتكىزۋ قۇرىلىستارىن قار مەن قوقىستان تازارتۋ جۇمىستارى جۇرگىزىلىپ جاتىر», دەدى وبلىستىق توتەنشە جاعدايلار دەپارتامەنتىنىڭ باستىعى ءبىرجان كارىموۆ.
وبلىستىڭ بارلىق ءوڭىرى جالپى سوماسى 814 ملن تەڭگەگە قارجى قاراجاتىنىڭ رەزەرۆىن قالىپتاستىردى. سۋ تاسقىنى كەزەڭىندە ينەرتتى ماتەريالداردىڭ قاجەتتى قورى, 167 توننادان استام جانار-جاعارماي ماتەريالدارى, 14 توننادان استام ازىق-ت ۇلىك, 9,1 مىڭ ينەرتتى ماتەريال جانە 60 954 دانا ىدىس-قاپتار دايىندالدى.
