ايماقتار • 01 ءساۋىر، 2021

«بەكىرە» بالىق قورعاۋ اكتسياسىنا قاي ينسپەكتسيا بەكىتىلدى؟

37 رەت كورسەتىلدى

1 ساۋىردەن باستاپ قازاقستاننىڭ باتىسىندا كەڭ اۋقىمدى «بەكىرە» بالىق قورعاۋ اكتسياسى باستالدى، دەپ حابارلايدى Egemen.kz ەكولوگيا، گەولوگيا جانە تابيعي رەسۋرستار مينيسترلىگىنە سىلتەمە جاساپ.

قازاقستاننىڭ تابيعات قورعاۋ جانە قۇقىق قورعاۋ ورگاندارىنىڭ كۇش-جىگەرىن بىرىكتىرۋ كەزىندە 2021 جىلعى 1 ءساۋىر مەن 31 مامىر ارالىعىندا اتىراۋ، ماڭعىستاۋ جانە باتىس قازاقستان وبلىستارىندا كەڭ اۋقىمدى «بەكىرە»بالىق قورعاۋ اكتسياسى وتەدى.

ەستەرىڭىزگە سالا كەتەيىك، جىل سايىن بالىق قورعاۋ شارالارىنىڭ تيىمدىلىگىن ارتتىرۋ ءۇشىن ەكولوگيا، گەولوگيا جانە تابيعي رەسۋرستار، ىشكى ىستەر مينيسترلەرىنىڭ جانە قر ۇلتتىق قاۋىپسىزدىك كوميتەتى توراعاسىنىڭ «بەكىرە «بالىق قورعاۋ اكتسياسىن وتكىزۋ تۋرالى بىرلەسكەن بۇيرىعىنا قول قويىلادى.

بالىقتاردىڭ باعالى ءتۇرىنىڭ ۋىلدىرىق شاشۋ كەزەڭىندە بالىقتاردىڭ، ونىڭ ىشىندە بەكىرە تۇرلەرىنىڭ ۋىلدىرىق شاشۋ ورىندارىنا كوشۋىن قامتاماسىز ەتۋ ماقساتىندا زاڭسىز بالىق اۋلانۋىنا جانە اينالىمىنا قارسى ءىس-قيمىل بويىنشا كۇش بىرىكتىرىلەدى. وسى ماقسات ءۇشىن بالىق قورعاۋ اكتسياسىن وتكىزۋ كەزىندە قۇقىق قورعاۋ جانە تابيعات قورعاۋ ورگاندارىنىڭ ءوزارا ءىس-قيمىلى جونىندەگى ۇيلەستىرۋ شتابىنىڭ قۇرامى، سونداي-اق اكتسيا كەزىندەگى بىرلەسكەن ءىس-قيمىل جوسپارى بەكىتىلەدى.

اتىراۋ قالاسىندا «بەكىرە-2021»اكتسياسىن وتكىزۋ جونىندەگى ۇيلەستىرۋ شتابىنىڭ وتىرىسى كەزىندە اكتسيا شەڭبەرىندەگى جوسپارلار تۋرالى تولىعىراق ايتىلدى.
ەكولوگيا مينيسترلىگى بالىق شارۋاشىلىعى كوميتەتىنىڭ توراعاسى ناريمان ءجۇنىسوۆتىڭ ايتۋىنشا، شتابتىڭ جۇمىس ورگانى جايىق-كاسپي وبلىسارالىق باسسەيندىك بالىق شارۋاشىلىعى ينسپەكتسياسى بولىپ بەلگىلەندى. 

«بيىلعى جىلى نەگىزگى كۇشتەر كاسپي تەڭىزىنىڭ جاعالاۋى مەن اكۆاتورياسىندا جانە اتىراۋ وبلىسىنىڭ شەگىندەگى جايىق جانە قيعاش وزەندەرىنىڭ باستاۋلارىندا شوعىرلانۋى ءتيىس، ويتكەنى ءدال سول جەرلەردە براكونەر فاكتىلەرى ورىن الۋى ىقتيمال. بالىقتىڭ زاڭسىز اينالىمى فاكتىلەرىن انىقتاۋ جانە جولىن كەسۋ جونىندەگى جۇمىستى كۇشەيتۋ ماڭىزدى. ول ءۇشىن ستاتسيونارلىق جانە جىلجىمالى بەكەتتەر، ءموبيلدى رەيد توپتارى ۇيىمداستىرىلادى»، دەدى كوميتەت باسشىسى.

سونىمەن قاتار اكتسياعا قاتىسۋشىلار جايىق وزەنىن اينالىپ ءوتىپ، بەكەتتەر مەن توننالىق ۋچاسكەلەردى تەكسەردى، سونداي-اق كاسپي تەڭىزى جاعالاۋىنىڭ سولتۇستىك بولىگىن تىكۇشاقپەن اينالىپ ۇشتى.

ايتا كەتەيىك، وتكەن جىلدارداعى بالىق قورعاۋ اكتسياسىنىڭ ناتيجەسى كوكتەمگى بالىق اۋلاۋ ماۋسىمىندا براكونەرلىك توپتاردىڭ قىزمەتى ارتا تۇسكەنىن كورسەتەدى.

ايتا كەتسەك، «بەكىرە-2020» اكتسياسىنىڭ قورىتىندىسى بويىنشا 759 بۇزۋشى اكىمشىلىك جاۋاپكەرشىلىككە تارتىلىپ، 33 قىلمىستىق ءىس قوزعالدى. ءتارتىپ بۇزۋشىلارعا 13 ملن تەڭگەدەن استام سوماعا اكىمشىلىك ايىپپۇل سالىندى، زاڭسىز اينالىمنان 13،9 توننا بالىق الىندى، ونىڭ ىشىندە 943،6 كگ بەكىرە تۇقىمداس بالىق تۇرلەرى، 16،34 كگ بەكىرە تۇقىمداس بالىق ۋىلدىرىعى، 439 اۋ، 20 قايىق جانە 7 كولىك بار.

سوڭعى جاڭالىقتار

75،7 ملن ادام ايتۆ جۇقتىردى

مەديتسينا • كەشە

2021 جىلعى ورازا كەستەسى

رۋحانيات • كەشە

ۇقساس جاڭالىقتار