ويىن «Qazsport» تەلەارناسىنان تىكەلەي ەفيردە 00:35-تە (نۇر-سۇلتان ۋاقىتىمەن) باستالادى. كوممەنتاتورلار - ەرسىن ەرىك, ەربول كايروۆ.
اندرەي شەۆچەنكونىڭ كومانداسى بۇعان دەيىن ەكى ويىن وتكىزىپ, ەكەۋىندە دە 1:1 ەسەبىمەن تەڭ ءتۇستى. الدىمەن قوناقتا فرانتسيامەن ۇپاي بولىسسە, ءتورت كۇننەن كەيىن ءوز الاڭىندا فينليانديامەن تەڭ وينادى. قازاقستان قۇراماسى 28 ناۋرىز كۇنى «استانا-ارەنادا» فرانتسۋزدارعا 0:2 ەسەبىمەن ەسە جىبەردى.
ۋكراينا مەن قازاقستان قۇرامالارى وسىمەن ءۇشىنشى الەم چەمپيوناتىنىڭ ىرىكتەۋ كەزەڭىندە ءبىر توپقا ءتۇسىپ وتىر. بۇعان دەيىن, 2006 جانە 2010 جىلعى الەم بىرىنشىلىكتەرىنىڭ ىرىكتەۋ تۋرنيرلەرىندە كەزدەسكەن ەدى. ەكى ەلدىڭ كوماندالارى ءوزارا 4 رەسمي ماتچ وتكىزىپ, بارلىعىندا ۋكراينا جەڭىسكە جەتكەن.
