كوروناۆيرۋس • 31 ناۋرىز، 2021

اقتوبە وبلىسى «قىزىل ايماقتا»

201 رەت كورسەتىلدى

31 ناۋرىزدان باستاپ  اقتوبە   وبلىسى كوروناۆيرۋس ينفەكتسياسىن جۇقتىرۋ كورسەتكىشى  بويىنشا «قىزىل» ايماققا ەندى. بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە  وبلىستىق سانيتارلىق-ەپيدەميولوگيالىق دەپارتامەنتىنىڭ باسشىسى نۇرسۇلۋ بەركىمباەۆا حابارلادى. بۇگىنگى كۇنى وڭىردە كوروناۆيرۋس ينفەكتسياسىن جۇقتىرعان 82 جاعداي تىركەلدى، دەپ حابارلايدى Egemen.kz.

سوڭعى مالىمەت بويىنشا اقتوبە قالاسىندا  40 جاعداي،  شالقار  –2، حرومتاۋدا –1، العادا –4، ويىل اۋداندارىندا 4  ناۋقاس تىركەلدى. اقتوبە قالاسىندا ءۇش ناۋقاستان كوروناۆيرۋستىڭ «بريتاندىق» شتامى  انىقتالدى. ناۋقاستارمەن قارىم-قاتىناستا بولعان 1300 اقتوبەلىك ءۇي كارانتينىنە الىندى.

نۇرسۇلۋ بەركىمباەۆا  بريفينگتە  سانيتاريالىق-ەپيدەميولوگيالىق باقىلاۋ قىزمەتىنىڭ جاڭا قاۋلىسىن جاريالادى.  وندا «ادامدار كوپ جينالاتىن ءىس-شارالاردىڭ وتكىزىلمەيتىنى، ويىن-ساۋىق ورىندارى مەن  جابىق بالالار ويىن الاڭدارىنىڭ جۇمىس ىستەمەيتىنى، مەكتەپ اسحانالارى اشىلمايدى، قالاارالىق، وبلىسارالىق  اۆتوبۋستار قوزعالىسى شەكتەلەتىنى كورسەتىلگەن. كينوتەاتر، تەاتر، مۇراجاي، كىتاپحانالار ونلاين تۇرىندە  قىزمەت كورسەتەدى.  رامازان كەزىندە  اۋىزاشار جاساۋعا رۇقسات جوق. ءدىني ورىنداردا  ۇجىمدىق ءىس-شارالار وتپەيدى. بالاباقشالاردا كەزەكشى توپتار عانا جۇمىس ىستەيدى.  قوعامدىق تاماقتانۋ ورىندارى  جەكسەنبىدە جابىلىپ، وسى كۇنى تەك تاپسىرىستار جەتكىزەدى. جەكسەنبى كۇنى ساۋنا، مونشا، سۇلۋلىق سالوندارى، ويىن-ساۋىق ورتالىقتارى مەن ساۋدا ۇيلەرى  جابىلادى».

سونداي-اق وبلىستىق ءبىلىم باسقارماسىنىڭ باسشىسى جولداس باتىرحان 1 ساۋىردەن باستاپ اقتوبە وبلىسىنىڭ بارلىق ورتا مەكتەپتەرى ارالاس وقۋ فورماتىنا كوشەتىنىن حابارلادى.  بۇگىندە اقتوبە وبلىسىندا جالپى ءبىلىم بەرەتىن 416 مەكتەپتە 159 مىڭ 602 وقۋشى وقيدى.  ال، بالا سانى 300-دەن اسپايتىن 246 اۋىل مەكتەبى ءداستۇرلى فورماتتا جالعاستىرا بەرەتىن بولدى. مۇنداعى  وقۋشىلار سانى – 23 مىڭ 820.  بۇلار وڭىرەگى بارلىق ورتا ءبىلىم بەرۋ مەكەمەلەرىنىڭ  14  %-ىن قۇرايدى. وسىلايشا  وقۋشى سانى از ەلدى مەكەندەر مەن قالاداعى ەرەكشە قاجەتتىلىگى بار بالالار وقيتىن ارناۋلى مەكتەپتەردە  IV توقسان ءداستۇرلى تۇردە باستالادى.  وبلىستىق ءبىلىم باسقارماسى ەرتەڭنەن باستاپ  وقۋشى سانى 300-دەن اساتىن ءاربىر قالا مەكتەبى  ارالاس وقۋعا كوشەتىنىن حابارلادى. قالا جانە اۋدان ورتالىقتارىنداعى مەكتەپتەردىڭ بارلىعى  70%-ى وفلاين، 30%-ى  ونلاين فورماتىندا وقيدى. جانە ءاربىر سىنىپتاعى وقۋشىلار سانى 25-تەن اسپاۋى ءتيىس.

 

سوڭعى جاڭالىقتار

الماتىداعى احۋال كۇردەلى

ايماقتار • بۇگىن، 19:45

بالالار Ashyq جۇيەسىنە ەنگىزىلە مە؟

قازاقستان • بۇگىن، 19:20

شىمكەنتتە كارانتين كۇشەيتىلەدى

ايماقتار • بۇگىن، 15:47

اتوم كولگە ساپار

ايماقتار • بۇگىن، 15:37

قازاقستاندا جاڭا تەلەارنا اشىلدى

قازاقستان • بۇگىن، 11:55

ۇقساس جاڭالىقتار