ەش جەردە جۇمىس ىستەمەيتىن 29 جاستاعى پەتروپاۆلدىق پوليتسەيلەردىڭ نازارىنا ءۇش اي بۇرىن ىلىككەن. جەدەل ۋاكىلدەر وسى ۋاقىت ارالىعىندا جاس جىگىتتىڭ ەسىرتكى ساتۋعا قاتىسى بار-جوعىن انىقتاۋ ءۇشىن اۋقىمدى جۇمىستار جۇرگىزدى. 24 ناۋرىز كۇنى پەتروپاۆل قالاسىنىڭ پب ەققىب قىزمەتكەرلەرى ونى تۇرعىلىقتى مەكەنجايىندا ۇستادى. پاتەردەن وسىمدىك تەكتەس زاتتار سالىنعان پاكەتتەر مەن ورامالار الىندى. ساراپتاما قورىتىندىسىنا سايكەس الىنعان زاتتار – ماريحۋانا جانە گاشيش بولىپ تابىلادى.
ودان 1,5 كەلىدەن استام ماريحۋانا, 870 گرامم گاشيش, 3 ۇيالى تەلەفون, اقشا قاراجاتتارى مەن بانك كارتالارى الىندى. سول كۇنى اتالعان ازاماتتان كىشىگىرىم پارتيالارمەن ەسىرتكى ساتىپ الىپ, قالا كوشەلەرىندە ساۋدالاعان ونىڭ 24-26 جاس ارالىعىنداعى ءتورت سىبايلاسى ۇستالدى.
ەسىرتكى ساتۋدى ۇيىمداستىردى دەگەن كۇدىكپەن ۇستالعان ازامات ۋاقىتشا ۇستاۋ يزولياتورىنا قامالدى. قر قىلمىستىق كودەكسىنىڭ 297-بابىمەن (ەسىرتكى, پسيحوتروپتىق زاتتاردى, سول تەكتەستەردى وتكىزۋ ماقساتىندا زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ, جونەلتۋ نە وتكىزۋ) سوتقا دەيىنگى تەرگەۋ جۇرگىزىلۋدە. –
تالايدىڭ تاعدىرىن تالكەككە سالاتىن ۋدى كۇدىكتىنىڭ ءوزى تاتىپ كورمەگەن. كۇدىكتىنى ۇستاۋمەن قاتار, ونى تاراتۋ تىزبەگىن انىقتاۋ ماڭىزدى بولدى. ەسىرتكى ساتقانى ءۇشىن 20 جىل مەرزىمگە دەيىن باس بوستاندىعىنان ايىرۋ تۇرىندەگى قىلمىستىق جاۋاپكەرشىلىك قاراستىرىلاتىنىن ەسكە سالامىز, – دەيدى پەتروپاۆل قالاسىنىڭ پب باستىعى جاندوس مۇقاتوۆ.
