سوتتالعاندار جاعدايىن دا ويلاۋ قاجەت

ادىلەت ءمينيسترى ر.ءتۇسىپ­بەكوۆ­تىڭ توراعالىق ەتۋىمەن پەنيتەن­تسيارلىق جۇيەنىڭ اعىمداعى جىلعى ءى توقسانداعى جۇمى­سى­نىڭ قورىتىندىسى تالقىلانىپ, اتالمىش سالاداعى پروبلەمالار مەن ولاردى شەشۋ جولدارى قارالعان وتىرىس بولىپ ءوتتى. كەڭەستە سوتتالعانداردى شارت­­­­تى تۇردە مەرزىمىنەن بۇرىن بوساتۋ كەزىندەگى زاڭدىلىقتىڭ جاي-كۇيى, مەديتسينالىق قىز­مەتتىڭ جۇمىسىن ۇيىمداستىرۋ, قىلمىستىق-اتقارۋ جۇيەسىندەگى سىبايلاس جەمقورلىققا قارسى ءىس-قيمىلدىڭ تيىمدىلىگى جانە باسقا دا وزەكتى ماسەلەلەر تالقىلاندى. ادىلەت ءمينيسترى قىلمىستىق-اتقارۋ جۇيەسى كوميتەتىنىڭ باس­شىلىعىنا قىلمىستىق-اتقارۋ جۇيەسى قىزمەتكەرلەرىنە اتاق بەرۋ, لاۋازىمعا قابىلداۋ جانە تاعايىنداۋ ماسەلەسىندە ايقىن­دىق پەن شىنايىلىقتى قامتاما­سىز ەتە وتىرىپ, كادر جۇمىسىن مۇقيات رەگلامەنتتەۋ, سوتتالعان­داردىڭ شارتتى تۇردە مەرزىمىنەن بۇرىن بوساتۋ جانە تاعايىندال­عان جازانى جەڭىلدەتۋ ءۇشىن ءوتى­نىشپەن سوتقا دەربەس ءارى تىكەلەي جۇگىنۋىن كوزدەيتىن زاڭ جوباسىن ازىرلەۋ پروتسەسىن تەزدەتۋ جونىندە تاپسىرما بەردى. سونىمەن قاتار, راشيد تۇسىپبەكوۆ قونىس-كولو­نيالارى جۇمىسىنىڭ جانە ولارعا سوتتالعانداردى تۇزەۋ مە­كە­مەلەرىنەن اۋىستىرۋدىڭ قولدا­نىستاعى ءتارتىبىنىڭ تيىمدىلىگىن زەردەلەۋدى تاپسىردى.