ادىلبەك سارسەمباەۆ 1978 جىلى تسەلينوگراد قالاسىندا (قازىرگى نۇر-سۇلتان قالاسى) دۇنيەگە كەلگەن. قازاق مەملەكەتتىك زاڭ اكادەمياسىن يۋريسپرۋدەنتسيا ماماندىعى بويىنشا بىتىرگەن.
ەڭبەك جولىن 1996 جىلى قم سالىق ينسپەكتسياسىنىڭ جەكە تۇلعالاردىڭ كىرىستەرىنە سالىق سالۋ ءبولىمىنىڭ سالىق ينسپەكتورى بولىپ باستادى.
2001 جىلدان 2006 جىلعا دەيىن استانا قالاسى اكىمىنىڭ اپپاراتىندا, كولىك جانە كوممۋنيكاتسيالار مينيسترلىگىندە ءتۇرلى باسشىلىق قىزمەتتەر اتقاردى.
2006 جىلى پرەزيدەنت اكىمشىلىگىنىڭ مەملەكەتتىك باقىلاۋ جانە ۇيىمداستىرۋ جۇمىسى ءبولىمىنىڭ باس ينسپەكتورى بولىپ تاعايىندالدى.
2007-2009 جج. — پەتروپاۆل قالاسى اكىمىنىڭ ءبىرىنشى ورىنباسارى, سقو اكىمى اپپاراتىنىڭ باسشىسى. ءتۇرلى جىلدارى جەكە قۇرىلىمداردا جۇمىس ىستەدى.
2010-2014 جج. — «قازاقستان ينجينيرينگ» ۇك» اق باسقارۋشى ديرەكتورى, ۆيتسە-پرەزيدەنتى, «قازاقستان ينجينيرينگ» ۇك» اق باسقارما توراعاسىنىڭ ورىنباسارى.
2015 جىلدان 2016 جىل ارالىعىندا «استانا قالاسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسى» مم باسشىسى بولىپ جۇمىس ىستەدى.
2016 جىلدان 2020 جىل ارالىعىندا نۇر-سۇلتان قالاسىنداعى الماتى اۋدانىنىڭ اكىمى قىزمەتىن اتقاردى.
2020 جىلعى مامىردان قازىرگى ۋاقىتقا دەيىن «قازاقستان ينجينيرينگ» ۇك» اق باسقارما توراعاسى بولدى.
