قازاقستاندا 45 ەنەرگيا ءوندىرۋشى ۇيىمنىڭ (ەوۇ) 37-ءسىنىڭ شەكتى تاريفتەرى 2021 جىلعى 1 ساۋىردەن باستاپ ۇلعايتىلاتىن بولادى. بەرىلگەن وتىنىمدەر بويىنشا شەكتى تاريفتەردىڭ ءوسۋى 36% دەڭگەيىندە بولجاندى. جارتى جىلدان استام ۋاقىت ىشىندە بەرىلگەن وتىنىمدەردىڭ نەگىزدىلىگىنە تالداۋ جۇرگىزىلدى. جۇرگىزىلگەن جۇمىستار مەن تالقىلاۋلاردىڭ ناتيجەسىندە ستانتسيالاردىڭ شەكتى تاريفتەرىنىڭ مالىمدەلگەن دەڭگەيىنىڭ ارتۋ ۇلەسى ەكى ەسەدەن استام تومەندەتىلدى.
– ولاردى قاراۋ كەزىندە مينيسترلىك ءاربىر جاعداي بويىنشا جەكە ءتاسىل قولداندى. ۋاقتىلى شەشىمدى تالاپ ەتەتىن وتىنىمدەر نازارعا الىندى. قازاقستان بويىنشا ەنەرگيا ءوندىرۋشى ۇيىمداردىڭ شەكتى تاريفتەرىنىڭ ورتاشا ءوسۋى 15% دەڭگەيىندە بولجانۋدا, – دەپ حابارلادى ق. راحيموۆ.
ونىڭ ايتۋىنشا, قازاقستاننىڭ ەنەرگەتيكالىق كوزدەرىنىڭ باسىم بولىگى وتكەن عاسىردىڭ 60-70-ءشى جىلدارى پايدالانۋعا بەرىلگەن. 2020 جىلدىڭ قورىتىندىسى بويىنشا قازاقستانداعى ەنەرگەتيكالىق اكتيۆتەردىڭ توزۋى 53%-ءتى قۇرايدى. تيىسىنشە, ءوندىرۋ سەكتورىنداعى نەگىزگى شىعىندار ولاردى جۇمىس جاعدايىندا ۇستاۋعا باعىتتالدى – ستانتسيانىڭ كوپشىلىگىنىڭ كىرىستىلىك دەڭگەيى ناقتى شىعىنداردان تومەن.
– جەتكىلىكسىز قارجىلاندىرۋعا بايلانىستى ەلەكتر ستانتسيالارىندا جۇرگىزىلىپ جاتقان جوندەۋ كومپانيالارىنىڭ ساپاسى ەرەكشە الاڭداۋشىلىق تۋعىزادى. وكىنىشكە قاراي, شەكتى تاريفتەرگە سالىنعان جوندەۋ ناۋقاندارىنا جۇمسالاتىن شىعىنداردىڭ رۇقسات ەتىلگەن دەڭگەيى قاجەتتىلىكتەردى تولىق كولەمدە وتەمەيدى, – دەپ اتاپ ءوتتى راحيموۆ.
وسى سەبەپتى ەلەكتر ەنەرگياسىن ءوندىرۋ ءۇشىن ۇنەمى ءارتۇرلى سەبەپتەرمەن شامامەن 2 000 مۆت جوندەۋ ۇستىندە جانە قولجەتىمدى ەمەس, بۇل وڭتۇستىكتەگى ءۇش وبلىس – جامبىل, تۇركىستان جانە قىزىلوردانىڭ جيىنتىق تۇتىنۋىمەن سالىستىرۋعا بولادى. تولىق قارجىلاندىرىلماعاندىقتان اپاتتار مەن تەحنولوگيالىق وشىرۋلەر سانىنىڭ ءوسۋى بايقالادى. 2020 جىلى قازاقستاننىڭ ءبىرتۇتاس ەلەكتر ەنەرگەتيكالىق جۇيەسىندە 4 458 تەحنولوگيالىق بۇزۋشىلىققا جول بەرىلگەن (2019 جىلمەن سالىستىرعاندا 11%-كە وسكەن). ءاربىر ءىرى تەحنولوگيالىق بۇزۋشىلىق – قازاقستاننىڭ بۇكىل ەنەرگەتيكالىق جۇيەسىندەگى اپات تاۋەكەلى.
ەلەكتر ستانتسيالارىنداعى شەكتى تاريفتەردى ۋاقتىلى تۇزەتۋ ولاردى جاڭعىرتۋ جۇمىستارىن ساپالى جۇزەگە اسىرۋعا, سونداي-اق 2021-2022 جىلداردىڭ كۇزگى-قىسقى كەزەڭىنەن ءساتتى ءوتۋ جانە اۆاريالىق جاعدايلاردى ازايتۋ ءۇشىن ۋاقتىلى جانە تولىق كولەمدە جوندەۋ جۇرگىزۋگە مۇمكىندىك بەرەدى. بۇدان باسقا, تاريفتەردى قايتا قاراۋ 45 ەنەرگيا ءوندىرۋشى ۇيىمنىڭ وندىرىستىك پەرسونالىنىڭ شامامەن 23 مىڭ جۇمىس ورنىن ساقتاۋعا كومەكتەسەدى, ولار ۇزدىكسىز جۇمىستى جانە ەل مەن قازاقستاننىڭ تۇتىنۋشىلارىن ەلەكتر ەنەرگياسىمەن قامتاماسىز ەتەتىن بولادى.
