فوتو: تۇرار قازانعاپوۆ
ء«بىزدىڭ فۋتبولداعى كەزەكتى وقىس وقيعا. قازاقستان قۇراماسىنىڭ شتابىنداعى بىرنەشە ادام كوروناۆيرۋس جۇقتىردى. انىعىن ايتساق, اڭگىمە جاتتىقتىرۋشى سەرگەي كاليۋبين (ول كەشەگى ويىندا قوسالقى قۇرام قاتارىندا وتىرعان جوق) جانە كوماندا ۇيلەستىرۋشىسى ماكسيم شاۋبەرت تۋرالى بولىپ وتىر. ەندى كىمنىڭ وقشاۋلانىپ, كىمنىڭ كيەۆكە باراتىنى بەلگىسىز. ولارمەن جاتتىقتىرۋشىلار قۇرامى, ۇيلەستىرۋشى توپ, ءتىپتى ويىنشىلار دا بايلانىستا بولدى عوي» دەيدى ايدىن قوجاحمەت.
ال Baigenews.kz سايتىنا پىكىر بىلدىرگەن قفف ءباسپاسوز قىزمەتىنىڭ جەتەكشىسى بۇل اقپاراتتى جوققا شىعاردى.
«فرانتسيامەن ماتچ الدىندا سەرگەي كاليۋبين اۋىرىپ قالدى. كوروناۆيرۋس ەمەس, وعان جاي عانا سۋىق تيگەن. ال ماكسيم شاۋبەرت وتباسىلىق سەبەپتەرمەن ءبىر اپتا بۇرىن دەمالىس العان», دەيدى ەرمۇحامەد ماۋلەن.
ەستەرىڭىزگە سالا كەتەيىك, كۇنى كەشە نۇر-سۇلتان قالاسىنداعى «استانا ارەنا» كەشەنىندە قازاقستان قۇراماسى 2022 جىلعى الەم چەمپيوناتى ىرىكتەۋ ويىندارىنىڭ ءبىرىنشى كەزدەسۋىن فرانتسياعا قارسى وتكىزىپ, 0:2 ەسەبىمەن جەڭىلگەن ەدى. ۋكرايناعا قارسى ماتچتى قازاقستان قۇراماسى 31 ناۋرىزدان 1 ساۋىرگە قاراعان ءتۇنى نۇر-سۇلتان ۋاقىتىمەن ساعات 00:45 تە سىرت الاڭدا وتكىزەتىن بولادى.
