بۇگىندە كاسىپكەرلىك نىساندارىنىڭ 194 باسشىسىمەن ءتۇسىندىرۋ جۇمىسى جۇرگىزىلدى. سولاردىڭ 61-ءى «ەسكەرتۋ» تۇرىندە اكىمشىلىك جاۋاپقا تارتىلدى. پەتروپاۆل اكىمىنىڭ ايتۋىنشا, سۋ باسۋى مۇمكىن قاۋىپتى شاعىن اۋداندار نازارعا الىنعان.
2017-2020 جىلدارداعى تالداۋ نەگىزگە الىنىپ, سۋ باسۋى ىقتيمال جەرلەردىڭ ءتىزىمى جاسالدى. قازىرگى كەزدە وبلىس ورتالىعىندا سۋ اسىندا قالۋى ىقتيمال 240 ءۇي بار.
«پەتروپاۆل كوشەلەرىنەن قار شىعارۋعا 245 تەحنيكا جۇمىلدىرىلعان. 31 ناۋرىزعا دەيىن كارىزدەردى تازارتۋدى اياقتاۋ جوسپارلانعان, بۇگىندە ولاردىڭ 85%-ى جۇمىسقا دايىن. بارلىق درەناج سورعىلارىنىڭ جۇمىسى تەكسەرىلدى. تكش بولىمىنە بارلىق كارىز قۇدىقتارىنا تەكسەرۋ جۇرگىزۋ تاپسىرىلدى. سەبەبى اۋىر تەحنيكا قار تازالاعان كەزدە قاقپاقتار اشىلىپ كەتۋى مۇمكىن. بۇدان بولەك, جۇرگىنشىلەر جولى مەن تروتۋارلارعا سەبىلەتىن قۇم-تۇز قوسپاسىنىڭ كولەمى ارتتىرىلماق», دەيدى پەتروپاۆل اكىمى بولات جۇمابەكوۆ.
