ءىس-شاراعا قىرعىز رەسپۋبليكاسىنىڭ جوگوركۋ كەنەش دەپۋتاتى گ.اسىلباەۆا, قر مادەنيەت, اقپارات, سپورت جانە جاستار ساياساتى ءمينيسترىنىڭ ورىنباسارى ي.بالتاشەۆ, قازاقستان رەسپۋبليكاسىنىڭ قىرعىز رەسپۋبليكاسىنداعى ەلشىلىگىنىڭ كەڭەسشى-ۋاكىلى ا. توەكين, قىرعىزستانداعى قازاق دياسپوراسىنىڭ وكىلدەرى جانە جالپى جۇرتشىلىق قاتىستى.
كىتاپتىڭ قىرعىز تىلىندەگى نۇسقاسى بۇرىن قازاق جازۋشىسى و.سۇلەيمەنوۆتىڭ اتاقتى «از ي يا» كىتابىن قىرعىز تىلىنە اۋدارعان يزيليا راحيموۆانىڭ اۋدارما ەڭبەگىنىڭ, سونداي-اق «Blue Sky» قوعامدىق قايىرىمدىلىق قورىنىڭ قولداۋىنىڭ ارقاسىندا مۇمكىن بولدى.
ي. راحيموۆانىڭ ايتۋىنشا, بۇل اۋماقتى دا جانكەشتى جۇمىس بولدى, دەگەنمەن ءىس جۇزىندە قازىرگى ادەبي قىرعىز تىلىنە بەيىمدەلە اۋدارىلدى. اۋدارۋ جۇمىسىنا ەكى جىلداي ۋاقىت كەتكەن.
مۇحتار اۋەزوۆتىڭ «اباي جولى» رومان-ەپوپەياسى قازاق جازبا ادەبيەتىنىڭ نەگىزىن قالاۋشى, فيلوسوف جانە اعارتۋشى اباي قۇنانباەۆتىڭ ءومىرى مەن شىعارماشىلىعى تۋرالى 1942-1956 جىلدارى ءتورت توم بولىپ قازاق تىلىندە جاريايلاندى. «اباي جولى» رومانىنىڭ قىرعىز تىلىندەگى سوڭعى باسىلىمى ت.سۋۆانبەرديەۆتىڭ اۋدارماسىمەن 32 جىل بۇرىن 1989 جىلى جارىق كورگەن. ال كىتاپتىڭ قازىرگى زامانعى اۋدارماسى قازىرگى قىرعىز ءتىلدى وقىرمانعا قول جەتىمدى ءارى جەڭىل وقىلۋى ماقساتىندا جاسالعان.
