ادەتتە سۋەتس كانالىنان كۇنىنە كەم دەگەندە 50 كەمە ەمىن-ەركىن وتەدى. دۇنيە جۇزىندە تەڭىز ساۋداسىنىڭ 12 پايىزى وسى كانالعا تىرەلىپ وتىر. بۇگىنگى كۇنى ءۇش تاۋلىكتەن بەرى Ever Given كەمەسى بارلىق جولدى بوگەپ, كۇنىنە 9,5 ميلليارد دوللار شىعىن كەلتىرىپ وتىر.
ايتا كەتەيىك, تايۆاندىق Evergreen Marin تاسىمالداۋ كومپانياسى شىعارعان كەمەنىڭ ۇزىندىعى - 400 مەتر. دۇنيە جۇزىندەگى تاۋار تاسىمالدايتىن ەڭ ۇلكەن كەمەلەردىڭ ءبىرى بولىپ ەسەپتەلەدى.
Euronews مالىمەتىنشە 24 ناۋرىزعا قاراعان ءتۇنى ول قىتايدان روتتەردامعا زات تاسىپ بارا جاتقان. بىراق باسقا باعىتقا ءتۇسىپ كەتكەن. مامانداردىڭ ايتۋىنشا, وعان اۋا رايى نەمەسە ەلەكتر قۇرىلعىسىنداعى اقاۋ سەبەپ بولعان. سالدارىنان كەمە سۋەتس كانالىندا تىرەلىپ قالىپ, باسقا كەمەلەردىڭ جولىن جاۋىپ تاستاعان.
«كونتەينەر تاسيتىن كەمەلەر, تانكەرلەر ەۋروپاعا ازىق-ت ۇلىك, جانارماي, ونەركاسىپ تاۋارلارىن جەتكىزە الماي جاتىر. ەۋروپادان شىعىس ايماقتارعا ونىمدەر ەكسپورتى توقتاتىلدى. مۇنىڭ وندىرىسكە, ەۋروپا مەن ازياداعى تاۋارلار قولجەتىمدىلىگىنە سالدارى زور», دەيدى كەمپبەلل ۋنيۆەرسيتەتىنىڭ تاريح پروفەسسورى سالۆاتورە مەركوليانو.
