اۆتوردىڭ ايتۋىنشا, گولوۆكين قازىرگى قارجىلىق جاعدايىنا كانەلونىڭ ارقاسىندا جەتىپ وتىر, ويتكەنى ونىمەن بولعان جەكپە-جەككە العان قالاماقىسى تابىسىنىڭ باسىم بولىگىن قۇرايدى. گولوۆكين تارتىسقا تولى ەكى ايقاستا جالپى تابىستىڭ 90 پايىزىن العان. كەيبىر دەرەككوزدەر بويىنشا بۇگىندە GGG-ءدىڭ جيناعان قورى – 30-35 ملن دوللارعا جۋىقتايدى. سالىستىرمالى تۇردە العاندا, الۆارەسكە اۆني يىلدىرىممەن وتكىزگەن سوڭعى جەكپە-جەگى ءۇشىن 20 ملن دوللار بەرىلدى. سونداي-اق كاللۋم سميتپەن وتكىزگەن شارشى الاڭداعى ۇرىسىندا دا ءدال سونداي سومادا سىياقى تابىستالدى.
ەستەرىڭىزگە سالا كەتەيىك, گولوۆكين مەن «كانەلونىڭ» العاشقى جەكپە-جەگى 2017 جىلدىڭ قىركۇيەگىندە ءوتىپ, تەڭ ەسەپپەن اياقتالدى. دەسە دە, قارىمتا ايقاستا تورەشىلەردىڭ باسىم داۋسىمەن مەكسيكالىق بوكسشى جەڭىسكە جەتتى. ەندى ەكى بىلعارى قولعاپ شەبەرلەرىنىڭ «تريلوگياسى» قاشان بولاتىنى بەلگىسىز.
