«قازىرگى كەزدە نۇر-سۇلتان جانە الماتى قالالارىندا سوت ساراپتامالارى ينستيتۋتىنىڭ ۇلگىلىك عيماراتىنىڭ قۇرىلىسى جۇرگىزىلۋدە. وتكەن جىلى اتىراۋ قالاسىندا وبلىس اكىمى جاڭا عيمارات سالىپ, ادىلەت مينيسترلىگىنە سوت-ساراپتامانىڭ ورنىن اۋىستىرۋ ءۇشىن ءوتىنىش بەردى. بۇل جۇمىستار جالعاسادى. 2021-2025 جىلدارى رەسپۋبليكانىڭ تاعى 6 وڭىرىندە: شىمكەنت, قاراعاندى, جامبىل, قوستاناي, پاۆلودار جانە شقو عيماراتتار سالۋ جوسپارلانۋدا», دەدى م.بەكەتاەۆ.
بۇدان باسقا, سالا رەفورماسى اياسىندا تسيفرلاندىرۋ جانە اۆتوماتتاندىرۋ جۇمىستارى جۇرگىزىلۋدە. «ە-Saraptama» اقپاراتتىق جۇيەسى ازىرلەندى. ونى «تورەلىك», «ە-قىلمىستىق ءىس» جانە «ە-ليتسەنزيالاۋ» اقپاراتتىق جۇيەلەرىمەن شوعىرلاندىرۋ بويىنشا جۇمىس جۇرگىزىلدى. بيىل پايدالانۋعا قوسۋ جوسپارلانعان.
