بريتاندىق QS كومپانياسى جۇرگىزگەن اۋديت ۋنيۆەرسيتەتتەردى ءتورت نەگىزگى توپ بويىنشا باعالايدى, ونىڭ قۇرامىنا 50-دەن استام كورسەتكىشتەن تۇراتىن 12 كىشى توپ كىرەدى. بۇل ۋنيۆەرسيتەت قىزمەتىنىڭ كەڭ اۋقىمدىلىعىن جانە ونىڭ جوعارى حالىقارالىق ستاندارتتارعا سايكەستىگىن دالەلدەيدى. اۋديتكە قاتىساتىن ءاربىر كىشى توپ بويىنشا جوو-عا ءبىر جۇلدىزدان بەس جۇلدىزعا دەيىن باعا بەرىلەدى, ودان كەيىن جالپى رەيتينگتىك بالل شىعارىلادى. بريتاندىق QS كومپانياسىنىڭ كەشەندى باعالاۋ ناتيجەلەرى بويىنشا ءال-فارابي اتىنداعى قازاق ۇلتتىق ۋنيۆەرسيتەتى بىرقاتار كورسەتكىشكە, اتاپ ايتقاندا, وقۋ پروتسەسى; جۇمىسقا ورنالاسۋ مۇمكىندىگى; زەرتتەۋلەر; ينتەرناتسيونالداندىرۋ; قىزمەت كورسەتۋ; ونەر جانە مادەنيەت; يننوۆاتسيا; زاماناۋي تىلدەر بويىنشا جوعارى بالل الىپ, ەڭ جوعارى «بەس جۇلدىز» ماراپاتىنا يە بولدى.
QS «بەس جۇلدىز» بەلگىسىن يەلەنۋ ءال-فارابي اتىنداعى قازۇۋ-دىڭ عىلىمي-ءبىلىم بەرۋ سالاسىنداعى حالىقارالىق قاۋىمداستىقتارداعى بەدەلىن جانە جاھاندىق عىلىمي-ءبىلىم بەرۋ كەڭىستىگىندە كوشباسشىلىق پوزيتسياسىن كورسەتىپ وتىر. باسىمدىلىق جۇلدىزدارى ۋنيۆەرسيتەتتىڭ مىقتى تۇستارى مەن ارتىقشىلىقتارىنا نازار اۋدارتىپ, ونىڭ سەرىكتەستەرىنە, ءبىلىم بەرۋ سالاسىنداعى حالىقارالىق ساراپشىلارعا, شەتەلدىك, سونداي-اق وتاندىق تالاپكەرلەرگە وقۋعا ءتۇسۋ ءۇشىن جوو تاڭداۋ كەزىندە باعدار بەرەدى.
QS «بەس جۇلدىز» ماراپاتىن العان قازۇۋ ءوزىنىڭ ءبىلىم بەرۋ باعدارلامالارى مەن زەرتتەۋلەرىن ىلگەرىلەتۋدىڭ, باسەكەگە قابىلەتتىلىكتى ارتتىرۋدىڭ تاعى ءبىر قۇرالىنا قول جەتكىزدى. QS Stars «بەس جۇلدىز» ماراپاتى بۇكىل الەم بويىنشا تەك 62 جوو-عا عانا بەرىلگەن, ونىڭ ىشىندە QS WUR حالىقارالىق جاھاندىق رەيتينگىنىڭ الەمدىك ۇزدىك توپ-5, توپ-10 جانە توپ-20 قاتارىنا كىرەتىن گارۆارد, وكسفورد, كەمبريدج, چيكاگو, پرينستون, كولۋمبيا ۋنيۆەرسيتەتتەرى بار.
الماتى
