بۇل تۋرالى قوعامدىق كوممۋنيكاتسيا ورتالىعىندا وتكەن بريفينگتە ماڭعىستاۋ وبلىسى سانيتاريالىق-ەپيدەميولوگيالىق دەپارتامەنت باسشىسىنىڭ ورىنباسارى اسىلبەك شاروۆ ءمالىم ەتتى.
ونىڭ ايتۋىنشا, 1 وقۋشىدان جەدەل وتا جاساتۋ الدىندا وتكىزىلگەن دارىگەرلىك تەكسەرىس بارىسىندا, ال قالعان 11 وقۋشى ۇيدەگى قارىم-قاتىناس ارقىلى ۆيرۋس جۇقتىرعان.
كوروناۆيرۋس ينفەكتسياسى اقتاۋ قالاسىنداعى 6 مەكتەپ پەن مۇنايلى اۋدانىنداعى «قىزىلتوبە ليتسەيى» مم وقۋشىلارىنان انىقتالىپ وتىر.
«وقۋشىلاردىڭ 7 - وففلاين, 5 - ونلاين رەجيمدە وقيدى. 12 وقۋشىنىڭ سىنىبى ءۇي كارانتينىنە الىندى. 24 ناۋرىزدا اقتاۋداعى №15 مەكتەبىندە وففلاين رەجيمدە وقيتىن 2 «ب» سىنىپ وقۋشىسىنان ۆيرۋس انىقتالدى. ۇيدەگى قارىم-قاتىناس ارقىلى جۇعىپ وتىر. 2020 جىلعى 1 قىركۇيەكتەن باستاپ 17 ناۋرىزعا دەيىن مەكتەپ وقۋشىلارىنىڭ اراسىندا 142 كۆي جاعدايى تىركەلدى. ونىڭ ىشىندە 89 وقۋشى ونلاين, 53 وقۋشى وففلاين ءداستۇرلى فورماتتا وقيتىندار», دەدى اسىلبەك شاروۆ.
ەل بويىنشا وتكەن تاۋلىكتە كوروناۆيرۋس ينفەكتسياسىنىڭ 1115 جاڭا جاعدايى تىركەلدى. ماڭعىستاۋ وبلىسىندا سوڭعى رەپرودۋكتيۆتى كورسەتكىش - 1,1.
وبلىستا وتكەن جىلدىڭ 27 ناۋرىزى مەن 2021 جىلدىڭ 25 ناۋرىزىنا دەيىن 4369 كوروناۆيرۋس ينفەكتسياسى تىركەلىپ, اۋرۋ دەڭگەيىنىڭ كورسەتكىشى 592,9 قۇرادى.
ونىڭ ىشىندە شاعىممەن –1560 جاعداي, شاعىمسىز – 2809 جاعداي. توسەك-ورىن قورىنىڭ كورسەتكىشى – 25 پايىز.
ايماقتار بويىنشا اۋرۋ دەڭگەيى:
اقتاۋ قالاسى 2520 جاعداي- كورسەتكىش 902,0(57,6%)
بەينەۋ اۋدانى 433 جاعداي - كورسەتكىش 632,2(10,1%)
مۇنايلى اۋدانى 420جاعداي - كورسەتكىش 295,4 (9,6 %)
جاڭاوزەن قالاسى بويىنشا 322 جاعداي - كورسەتكىش 225,7 (7,5%)
ماڭعىستاۋ اۋدانى 285جاعداي كورسەتكىش 818,1(6,5%)
تۇپقاراعان اۋدانى 234 جاعداي – كورسەتكىش 691,0(5,3 %)
قاراقيا اۋدانى بويىنشا 155 جاعداي–كورسەتكىش 422,0 (3,6%)
