اڭگىمە بارىسىندا ساۋدا-ەكونوميكالىق جانە مادەني-گۋمانيتارلىق ءوزارا ءىس-قيمىلدى كەڭەيتۋ قاجەتتىگىنە باسا نازار اۋدارا وتىرىپ, ىنتىماقتاستىقتىڭ باسىم باعىتتارى تالقىلاندى.
بەلارۋس پرەزيدەنتى قازاقستان-بەلارۋس قارىم-قاتىناسىنا جوعارى باعا بەرىپ, ولاردىڭ جان-جاقتى دامۋىنا قولداۋ كورسەتۋگە دايىن ەكەنىن ايتتى.
«بەلارۋس پەن قازاقستان سوڭعى جىلدارى قارىم-قاتىناستاردى دامىتۋدا جانە ينتەگراتسيا تۇرعىسىنان, اسىرەسە ەاەو جەلىسى بويىنشا, ەكى جاقتى قاتىناستاردا, ساۋدادا جانە كووپەراتسيادا وتە كوپ جەتىستىكتەرگە قول جەتكىزدى. ارينە, بۇل كولەمدى كەڭەيتۋ ءۇشىن نەعۇرلىم تەرەڭ كووپەراتسيا بولعانىن قالايتىن ەدىك. ءبىز ءوندىرىستى كوبىرەك جۇكتەۋگە, قۇراستىرۋ ءوندىرىسىن قۇرۋعا دايىنبىز. ءبىر سوزبەن ايتقاندا, ۇكىمەتتەرگە جۇمىس ىستەۋ كەرەك», دەپ اتاپ ءوتتى بەلارۋس باسشىسى.
ا. لۋكاشەنكو قازاقستان پرەزيدەنتى ق.توقاەۆتىڭ بەلارۋس رەسپۋبليكاسىنا ساپارى ەكىجاقتى ءوزارا ءىس-قيمىلعا جاڭا سەرپىن بەرە الاتىنىن اتاپ ءوتتى.
كەزدەسۋ دوستىق جانە سەنىمدى جاعدايدا ءوتتى.
