سىبايلاس جەمقورلىققا قارسى قىزمەتتىڭ جەتەكشى حالىقارالىق ۇيىمداردىڭ بىرىمەن ديالوگىنىڭ نەگىزگى تاقىرىبى ادب قابىلداعان پاراساتتىلىقتى قالىپتاستىرۋ شارالارى بولدى. سپيكەر شوتلانديانىڭ ەدينبۋرگ قالاسىنان بايلانىسقا شىقتى.
سوڭعى 26 جىل ىشىندە ادب قازاقستانعا كولىك جانە قارجى سەكتورلارىنا, اۋىل شارۋاشىلىعىنا جانە جاڭارتىلاتىن ەنەرگيا كوزدەرىنە ينۆەستيتسيالاۋ ارقىلى قارجىلاندىرۋعا, تەحنيكالىق جاردەمدەسۋگە جانە ءبىلىمدى قولداۋعا كومەكتەسكەنىن اتاپ وتكەن ءجون.
وسىلايشا, ادب قازاقستانعا جاھاندىق كولىك جەلىلەرىنە ينتەگراتسيالانۋعا, ينۆەستيتسيالار تارتۋعا جانە جۇمىس ورىندارىن قۇرۋعا, اۋىل شارۋاشىلىعىنىڭ ونىمدىلىگىن ارتتىرۋعا, جاڭارتىلاتىن ەنەرگيا كوزدەرىن دامىتۋعا جانە كليماتتىڭ وزگەرۋىمەن كۇرەسۋگە كومەكتەسەدى.
سۇحبات بارىسىندا چ.مامبەتوۆا ىسكەرلىك ەتيكا مەن پاراساتتىلىق قاعيداتتارىن بۇزاتىن سەرىكتەستەرگە قاتىستى ادب قابىلداپ جاتقان شارالار تۋرالى ايتتى. وسىلايشا, ادب-نىڭ «ادال ەمەس» سەرىكتەستەرىنە حالىقارالىق كومپانيانىڭ «قارا تىزىمىنە»ەنۋ قاۋپى ءتونەدى.
سونىمەن قاتار, سپيكەر قازاقستان رەسپۋبليكاسىنىڭ سىبايلاس جەمقورلىققا قارسى ۆەدومستۆوسىنىڭ سىبايلاس جەمقورلىق دەڭگەيىن تومەندەتۋ جونىندەگى قىزمەتىنە قاتىستى پىكىر ءبىلدىردى.
«ءبىز قازاقستاننىڭ اتىنان اگەنتتىكءتىڭسىبايلاس جەمقورلىققا قارسى ءىس-شارالاردى حالىقارالىق ساحنادا بەلسەندى جانە تابىستى تۇردە ناسيحاتتايتىنىن ءجيى كورىپ وتىرمىز. شىن مانىندە, ورتالىق ازيانىڭ بارلىق ەلدەرى اراسىندا قازاقستان سىبايلاس جەمقورلىققا قارسى ءىس-قيمىل بولىگىندە وتە بەلسەندى جانە جىلدام العا باسۋدا. وسى تۇرعىدان العاندا, باسقا ەلدەر سىزدەردىڭ تاجىريبەلەرىڭىزدەن ۇيرەنە الادى», دەپ اتاپ ءوتتى سپيكەر.
