«قالا تازالىعىندا جۇرگەن قىزمەتكەرلەرگە كومەك بولسىن دەگەن نيەتپەن ىستىق شاي مەن ىستىق باۋىرساق تاراتىپ ءجۇرمىز. بۇل شارانىڭ ءبارى «قايىرىمدى ىستەر مارافونى» اياسىندا ءوتىپ جاتىر», دەدى قالالىق جاستار ساياساتى ماسەلەلەرى باسقارماسىنىڭ ءبولىم باسشىسى اقۇلان تاستەمىر.
ەلوردالىق ۆولونتەرلەر ىستىق شاي مەن باۋىرساق تاراتىپ قانا قويماي قار كۇرەۋ جۇمىسىنا دا كومەك كورسەتتى.
«وسىنداي قايىرىمدى ىسپەن اينالىسىپ جۇرگەن جاستارعا كوپ راحمەت. اۋا رايىنىڭ سۋىعىنا قاراماي كوشە تازالاپ, بەس ساعاتتان بەرى قار كۇرەدىك. ەشقايدا شىعا المايمىز. سىزدەرگە راحمەت, بويىمىز جىلىپ, الدەنىپ قالدىق», دەدى قار كۇرەپ جۇرگەن قىزمەتكەر ماقسۇت كەنجە.
سانيتارلىق قىزمەتكەر ىرىستى نىعىمانوۆا ءوز سوزىندە جۇرتشىلىقتى ناۋرىز مەيرامىمەن قۇتتىقتاپ ءوتتى.
ايتا كەتەيىك, بۇگىن قالا كوشەلەرىنىڭ قارىن كۇرەۋگە ەكى مىڭعا جۋىق جول جۇمىسشى مەن 1400-دەن استام تەحنيكا جۇمىلدىرىلدى. وتكەن تاۋلىكتە قالادان 100 مىڭ تەكشە مەتردەن اسا قار شىعارىلدى. ال ەلورداعا قار جاۋعالى بەرى 4 637 884 تەكشە مەتر قار شىعارىلدى.
