1. گاز قۇرىلعىلارىن قالاي پايدالانۋ قاجەت؟
تەك جارامدى گاز جابدىقتارىن پايدالانىڭىز. جالىننىڭ ءتۇسىن قاداعالاڭىز, ەگەر ول قىزعىلت سارى بولسا, ياعني جابدىقتا اقاۋ بار, مۇنداي جاعدايدا گاز قىزمەتكەرىن شاقىرۋ كەرەك. جۇمىس ىستەپ تۇرعان گاز پليتالارىن جانە سۋ جىلىتقىشتاردى قاراۋسىز قالدىرماڭىز, ۇرلەۋگە نەمەسە جالىننىڭ سۇيىقتىقتارمەن قۇيىلۋىنا جول بەرمەڭىز. گاز جابدىقتارىن پايدالانۋعا كىشكەنتاي بالالاردى, ءوز ارەكەتتەرىن باقىلامايتىن ادامداردى جىبەرمەڭىز.
ەسىڭىزدە بولسىن! گازدىڭ جانۋى ءۇشىن تۇراقتى اۋا اعىنى قاجەت. گاز پليتاسىن نە سۋ جىلىتقىشتى تۇتاتقاندا, تەرەزە جەلدەتكىشى ءاردايىم اشىق بولۋى كەرەك.
گاز بەرۋ كەنەتتەن توقتاعان كەزدە گاز اسپاپتارى جانارعىلارىنىڭ شۇمەكتەرىن دەرەۋ جابىڭىز جانە 104 نەمەسە 8 (7172)-55-89-76 تەلەفوندارى ارقىلى اۆاريالىق گاز قىزمەتىنە حابارلاڭىز.
2. نەلىكتەن تارتىلىستى تەكسەرۋ كەرەك؟
ءتۇتىن جانە جەلدەتۋ ارنالارىندا تارتىلىستىڭ بولماۋى گازدىڭ جانۋ ونىمدەرىمەن ۋلانۋىنا اكەلۋى مۇمكىن.
گازبەن سۋ جىلىتقىشتارىن, قازاندىقتى جانە تۇتىندىككە جانۋ ونىمدەرىن شىعاراتىن باسقا دا اسپاپتاردى ءاربىر پايدالانۋ الدىندا ءتۇتىن مۇرجاسىندا تارتىلىستىڭ بولۋىن تەكسەرۋ قاجەت. تۇتىندىكتىڭ جانە جەلدەتكىش جۇيەلەرىنىڭ قۇرىلعىسىن وزگەرتۋگە, جەلدەتكىش كانالدارىن جەلىمدەۋگە, گاز پايدالاناتىن جابدىقتىڭ ءتۇتىن شىعارعىشتارىن جەلدەتكىش كانالدارىنا قوسۋعا, تۇتىندىكتەردى تازالاۋعا ارنالعان «قالتالار» مەن ليۋكتەردى جابۋعا نەمەسە جەلىمدەۋگە بولمايدى. سۋ جىلىتقىشتاردان ءتۇتىن تارتاتىن قۇبىرلارعا جانە مۇرجالارعا قوسىمشا شيبەرلەردى ءوز ەركىمەن ورناتۋعا بولمايدى.
جەكە تۇرعىن ۇيلەردىڭ يەلەرى قىس مەزگىلىندە ءتۇتىن مۇرجالارىنىڭ باسىن قاتىپ قالۋىنا جانە بىتەلۋىنە, سونداي-اق قىسىمنىڭ تومەندەۋىنە بايلانىستى كۇزگى-قىسقى كەزەڭدە ءجيى تۋىندايتىن «كەرى تارتۋ» اسەرىنىڭ پايدا بولۋىنا جول بەرمەۋ ماقساتىندا ولاردى كەزەڭدىك تەكسەرىپ وتىرۋى ءتيىس.
جەلدەتۋ جانە ءتۇتىن ارنالارى مەرزىمدى تەكسەرۋلەردەن ءوتۋى كەرەك ەكەنىن ەسكەرتەمىز:
- جىلىتۋ ماۋسىمىنىڭ الدىندا – ماۋسىمدىق جۇمىس ىستەيتىن گاز اسپاپتارى مەن اپپاراتتارىنىڭ ءتۇتىن مۇرجالارى;
- 12 ايدا كەمىندە 1 رەتتەن كەم ەمەس ىستىققا ءتوزىمدى بەتوننىڭ ارنايى بلوكتارىنان جاسالعان كىرپىش, اسبەست-تسەمەنت, قىش مۇرجالارى, سونداي-اق جەلدەتكىش ارنالارى.
ەسىڭىزدە بولسىن, تارتىلىس بولماعان جاعدايدا گاز اسپاپتارىن پايدالانۋعا تىيىم سالىنادى.
3. نەلىكتەن گاز جابدىقتارىنا ۇنەمى تەحنيكالىق قىزمەت كورسەتۋ قاجەت؟
تۇرمىستا گازدى قاۋىپسىز پايدالانۋ ءۇشىن ەرەجەلەردى ءبىلۋ عانا ەمەس, پايدالانىلاتىن گاز جابدىعىنىڭ جارامدىلىعى دا ماڭىزدى ءرول اتقارادى.
اقاۋلى گاز جابدىعىن پايدالانۋ قايعىلى اياقتالماس ءۇشىن ۇيىشىلىك گاز جابدىعىنا (ۇىگج) مەرزىمدى تەحنيكالىق قىزمەت كورسەتۋدى جۇرگىزۋ قاجەت.
ول ءۇشىن گاز اسپاپتارىنىڭ ءاربىر مەنشىك يەسى مامانداندىرىلعان ۇيىممەن تەحنيكالىق قىزمەت كورسەتۋگە شارت جاساسۋعا مىندەتتى.
4. تۇرمىستا گازدى پايدالانۋ كەزىندە مىناعان جول بەرىلمەيدى:
- گازبەن جابدىقتاۋ جۇيەسىنە ءوز بەتىنشە قوسىلۋعا, گاز جابدىعىن جانە ەسەپكە الۋ اسپاپتارىن قايتا ورناتۋعا, ءوز بەتىنشە مونتاجداۋعا جانە دەمونتاجداۋعا, گاز جابدىعىن اۋىستىرۋعا جانە جوندەۋگە, قوسىمشا جابدىقتى مونتاجداۋعا;
- گاز اسپاپتارى ورناتىلعان ءۇي-جايلاردى قايتا جوسپارلاۋعا;
- گاز اسپاپتارىنىڭ كونسترۋكتسياسىنا وزگەرىستەر ەنگىزۋگە;
- ءتۇتىن جانە جەلدەتۋ جۇيەلەرىنىڭ قۇرىلعىسىن وزگەرتۋگە;
- جەلدەتۋ كانالدارىن جەلىمدەۋگە, تۇتىندىكتەردى تازالاۋعا ارنالعان «قالتالاردى» جانە ليۋكتەردى بىتەۋگە;
- گاز اسپاپتارى, اۆتوماتيكا جانە ارماتۋرا اقاۋلى بولعان كەزدە گازدى پايدالانۋعا;
- گازداندىرىلعان پەشتەر مەن تۇتىندىكتەردى قالاۋ, سىلاۋ (جارۋ) تىعىزدىعى بۇزىلعان كەزدە گازدى پايدالانۋعا;
- ءتۇتىن جانە جەلدەتكىش ارنالارىن تەكسەرۋ جانە تازالاۋ تۋرالى اكتىنىڭ قولدانىلۋ مەرزىمى وتكەننەن كەيىن گازدى پايدالانۋعا;
- جەلدەتكىشتەر (فرامۋگالار), جەلدەتۋ كانالدارىنىڭ تورلارى جابىق بولعاندا, ءتۇتىن قۇبىرلارى مەن جەلدەتۋ كانالدارىندا تارتىلىس بولماعان كەزدە گاز اسپاپتارىن پايدالانۋعا;
- جۇمىس ىستەپ تۇرعان گاز قۇرالدارىن قاراۋسىز قالدىرۋعا;
- مەكتەپ جاسىنا دەيىنگى بالالاردىڭ, سونداي-اق ءوز ءىس-ارەكەتتەرىن باقىلامايتىن جانە وسى اسپاپتاردى پايدالانۋ ەرەجەلەرىن بىلمەيتىن ادامداردىڭ گاز اسپاپتارىن پايدالانۋىنا;
- ارقانداردى گاز قۇبىرلارىنا بايلاۋ جانە گاز قۇبىرلارىن جۇكتەۋگە;
- گاز بەن گاز اسپاپتارىن باسقا ماقساتتا پايدالانۋعا;
- ءۇي-جايدى جىلىتۋ ءۇشىن گاز پليتالارىن پايدالانۋعا;
- گاز اسپاپتارى ورناتىلعان ءۇي-جايلاردا ۇيىقتاۋعا جانە دەمالۋعا پايدالانۋعا;
- گازدىڭ شىعۋىن انىقتاۋ ءۇشىن اشىق وتتى قولدانۋعا.
5. تابيعي گازدىڭ ءيىسى پايدا بولعان كەزدە نە ىستەۋ كەرەك؟
گاز قۇرىلعىلارىن پايدالانۋدى دەرەۋ توقتاتىڭىز! قۇرىلعىلارداعى جانە قۇرىلعىلاردىڭ الدىنداعى كرانداردى جابىڭىز. بولمەنى جەلدەتۋ ءۇشىن تەرەزەلەر مەن تەرەزەلەردىڭ جەلدەتكىشىن اشىڭىز!
اشىق وتتى تۇتاتپاڭىز, تەمەكى تارتپاڭىز, ەلەكتر جارىعى مەن ەلەكتر اسپاپتارىن قوسپاڭىز جانە وشىرمەڭىز, ەلەكتر قوڭىراۋلارىن پايدالانباڭىز.
گازدالماعان ءۇي-جايدان «104» (ۇيالى بايلانىس قۇرىلعىلارى ءۇشىن) نەمەسە 8 (7172)-55-89-76 تەلەفوندارى ارقىلى اۆاريالىق قىزمەتتى شاقىرىڭىز.
6. قاۋىپسىزدىك
گاز تۇتىنۋ جابدىعىن پايدالانۋ كەزىندە گاز بەرۋدى اجىراتۋ اۆتوماتيكاسى بار تابيعي جانە ۋلى گازداردىڭ اعۋىنا جاۋاپ بەرەتىن سيگناليزاتورلاردى ورناتىڭىز.
گاز ونى دۇرىس قولدانعان كەزدە عانا قاۋىپسىز. جوعارىدا كەلتىرىلگەن ۇسىنىستاردى قاتاڭ تۇردە ورىنداڭىز!!!
كۇندەلىكتى ومىردە گازدى پايدالانۋ كەزىندە قاۋىپسىزدىك ەرەجەلەرىن ەلەمەۋ كۇتپەگەن سالدارعا اكەلۋى مۇمكىن ەكەنىن ۇمىتپاڭىز.
ءوز ءومىرىڭىز بەن جاقىندارىڭىزدىڭ ومىرىنە قاۋىپ توندىرمەڭىز.
