مەديتسينا • 23 ناۋرىز، 2021

الماتىدا تەلەمەديتسينا جانە جەدەل جاردەم قىزمەتى وڭتايلاندىرىلدى

26 رەت كورسەتىلدى

الماتى قالاسى اكىمىنىڭ ورىنباسارى ەرجان باباقۇماروۆ COVID-19 جۇقتىرعان ادامدارعا مەديتسينالىق كومەك كورسەتۋ جانە ولاردىڭ جاعدايىن باقىلاۋ الگوريتمىن ىسكە اسىرۋدى قامتاماسىز ەتەتىن بىرقاتار نىسانداردى ارالادى، دەپ حابارلايدى Egemen.kz

جۇمىس ساپارى بارىسىندا جەدەل مەديتسينالىق جاردەم ستانساسىنىڭ قىزمەتىنە، تەلەمەديتسينا ورتالىعىنا، سونداي-اق قالالىق دەنساۋلىق ساقتاۋ جۇيەسىنىڭ شتابىنا باردى. مەديتسينالىق مەكەمەلەردىڭ قىزمەتكەرلەرىمەن اعىمداعى جۇمىس، سونداي-اق الماتى قالاسىنداعى ەپيدەميالىق احۋال ودان ءارى ۋشىققان جاعدايدا جۇمىستى كۇشەيتۋگە دايىندىق ماسەلەلەرى تالقىلاندى.

تەلەمەديتسينا ورتالىعىندا اكىمنىڭ ورىنباسارى COVID-19 ىقتيمال جانە راستالعان جاعدايلارى بار پاتسيەنتتەرگە كەڭەس بەرۋ جانە مونيتورينگ جۇرگىزۋ جۇمىستارىمەن تانىستى. وپەراتورلار پاتسيەنتتىڭ جاعدايىن باعالايدى، ەمدەۋدى تاعايىندايدى جانە ناۋقاستىڭ ەلەكتروندىق كارتاسىنا وزگەرىستەر ەنگىزەدى. ورتالىق وتكەن جىلدىڭ قىركۇيەك ايىنان باستاپ جۇمىس ىستەيدى.

«بۇگىنگى تاڭدا ورتالىق ءۇي كارانتينىندەگى اۋرۋ بەلگىلەرى جوق جانە اۋرۋى جەڭىل ناۋقاستارعا 2500-گە جۋىق ناۋقاسقا قىزمەت كورسەتەدى. وسى ماقساتتا مۇندا 54 دارىگەر جۇمىس ىستەيدى. ورتالىق دارىگەرلەرى پاتسيەنتتەرمەن تاۋلىك بويى بايلانىستا. ماماندار تاڭەرتەڭ جۇمىستارى ءۇي ستاتسيونارىنداعى پاتسيەنتتەرگە قوڭىراۋ شالۋدان باستالادى. جاعدايى ناشارلاعان جاعدايدا ناۋقاستارعا جەدەل جاردەم شاقىرىلىپ، اۋرۋحاناعا جاتقىزىلادى»، دەدى تەلەمەديتسينا ورتالىعىنىڭ باسشىسى لاۋرا مىرزاعالي. سونىمەن قاتار، قالادا 200-دەن استام ءموبيلدى توپتار جۇمىس ىستەيدى، ولار پاتسيەنتتەردىڭ جاعدايىن جانە ۇيدە ەمدەلۋىن قاداعالايدى.

سونداي-اق ەرجان باباقۇماروۆ №6 جەدەل جاردەم قوسالقى ستانتسياسىنىڭ جۇمىسىمەن تانىستى.

كوروناۆيرۋستىق ينفەكتسيا پاندەمياسى كەزەڭىندەگى جۇمىس تاجىريبەسىن ەسكەرە وتىرىپ، قالادا جەدەل مەديتسينالىق كومەك قىزمەتىنىڭ ماتەريالدىق-تەحنيكالىق بازاسى تۇراقتى جاقسارۋدا. بۇعان دەيىن قالا اكىمدىگى جەدەل مەديتسينالىق جاردەم قىزمەتىنىڭ اۆتوپاركىنە 50 جاڭا Hyundai – ن 350 BUS Ambulance اۆتوكولىگىن بەرگەن بولاتىن. جاڭا ماشينالار سول جەردە مەديتسينالىق كومەك كورسەتۋگە جانە ۋاقتىلى ەمدەۋگە جاتقىزۋعا قاجەتتى زاماناۋي، ءپورتاتيۆتى جابدىقتارمەن، ونىڭ ىشىندە رەانيماتسيالىق، دەفيبريللياتورلارمەن، ەلەكتروكارديوگرافتارمەن، ءوجج اپپاراتتارىمەن جانە باسقا دا قاجەتتى جابدىقتارمەن جابدىقتالعان. جالپى، وتكەن جىلى جەدەل جاردەم قىزمەتىنىڭ اۆتوپاركى شامامەن 70%-عا جاڭارتىلدى.

«پاندەميامەن كۇرەستە جەدەل جاردەم ۇلكەن ءرول اتقارادى. سىزدەر ناۋقاستارعا باراسىز جانە بارلىق قاۋىپسىزدىك شارالارىن ساقتاي وتىرىپ، ءبىرىنشى كەزەكتە ءوزىڭىزدى قورعاۋلارىڭىز كەرەك. قالا بارلىق قاجەتتى زاتتارمەن ماتەريالدىق قامتاماسىز ەتىلدى»، دەپ اتاپ ءوتتى ەرجان باباقۇماروۆ جانە الماتى قالاسىنىڭ اكىمى باقىتجان ساعىنتاەۆتىڭ اتىنان جەدەل جاردەم قىزمەتكەرلەرىنە اۋىر ەڭبەكتەرى ءۇشىن العىس ايتتى.

جەدەل جاردەم ماشينالارىنىڭ ەپيدەمياعا قارسى جانە دەزينفەكتسيالىق رەجيمدەرىن قاتاڭ ساقتاۋ قاجەتتىلىگىنە باسشىلىقتىڭ ەرەكشە نازارى اۋدارىلدى.

سونىمەن قاتار، ەرجان باباقۇماروۆ قوعامدىق دەنساۋلىق باسقارماسىنىڭ شتاب-پاتەرىندە بولىپ، ول جەردە بەكىتىلگەن مەديتسينا قىزمەتكەرلەرىمەن اڭگىمەلەستى.

جۇمىس ساپارىنىڭ قورىتىندىسى بويىنشا قالانىڭ قوعامدىق دامۋ باسقارماسىنا بىرقاتار ناقتى تاپسىرما بەرىلدى.

سوڭعى جاڭالىقتار

اقمولا وبلىسىندا مەكتەپ ورتەندى

ايماقتار • بۇگىن، 15:29

ەكپە سالدىرۋدا بەلسەندىلىك بايقالادى

كوروناۆيرۋس • بۇگىن، 14:10

چارلو شايقاسقا شاقىرۋدان شارشامايدى

كاسىپقوي بوكس • بۇگىن، 13:27

ۇقساس جاڭالىقتار