ءىس-شاراعا ونلاين-فورماتتا ZOOM الاڭىن قوسۋ ارقىلى قازاقستاننىڭ اقپارات جانە قوعامدىق دامۋ ۆيتسە-ءمينيسترى بولات تلەپوۆ قاتىستى.
ءوز ءسوزىنىڭ باسىندا بولات تلەپوۆ ازيا-تىنىق مۇحيتى فورۋمىنا قاتىسۋشىلاردى مەرەكەمەن قۇتتىقتاپ, فورۋمنىڭ قازاقستان مەن ورتالىق ازيا ەلدەرى ءۇشىن ماڭىزدى ناۋرىز مەيرامىن اتاپ ءوتۋ كۇنىمەن سايكەس كەلىپ وتىرعانىن اتاپ ءوتتى. «ەجەلگى داۋىردەن باستاۋ العان بۇل مەرەكە جاڭارۋ كەزەڭىن بىلدىرەدى. بۇل دوستىق, ءوزارا سىيلاستىق پەن كەلىسىمدى نىعايتۋعا ۇلەس قوساتىن شىن مانىندەگى جالپىحالىقتىق مەرەكە», - دەدى بولات تلەپوۆ.
ۆيتسە-مينيستر قاتىسۋشىلاردىڭ نازارىن پاندەميا الەمنىڭ تەحنولوگيالىق داۋىردە ءومىر ءسۇرىپ جاتقانىنا قاراماستان, ادامزاتتىڭ قانشالىقتى وسال جانە ءوزارا تاۋەلدى ەكەنىن كورسەتىپ وتىرعاندىعىنا اۋداردى.
ءسوز سويلەۋ بارىسىندا بولات تلەپوۆ ۆولونتەرلەردىڭ ەلىمىزدىڭ قوعامدىق ومىرىندەگى ءرولى جانە قازاقستاندا ەرىكتىلەر قوزعالىسىن دامىتۋ ءۇشىن مەملەكەت تاراپىنان جاسالىپ وتىرعان شارالارىن ايتىپ بەردى.
اتاپ ايتقاندا, جۇرگىزىلىپ وتىرعان شارالار ناتيجەسىندە, ول قازاقستاندا "ۆولونتەر جىلى" اياسىندا وتكەن 2020 جىلدىڭ وزىندە ۆولونتەرلىك ۇيىمدار مەن توپتاردىڭ سانى 3 ەسە, تۇراقتى ۆولونتەرلەر سانى 4 ەسە, ولاردىڭ سانى 200 مىڭنان استام ادام وسكەنىن حابارلادى.
"پاندەميامەن كۇرەس كەزەڭىندە ەرىكتىلەر قوزعالىسىنا 1 ميلليونعا جۋىق قازاقستاندىق قوسىلىپ, 1,5 ميلليوننان استام ازاماتتارىمىزعا كومەك كورسەتىلدى", — دەدى ول.
سونىمەن قاتار, بولات تلەپوۆ قازاقستاننىڭ حالىقارالىق ۆولونتەرلىكتى دامىتۋ بويىنشا جۇمىس جۇرگىزىپ جاتقانىن ەرەكشە اتاپ ءوتتى.
ىنتالاندىرۋ شارالارىنىڭ ءبىرى - قازاقستانداعى ۆولونتەر جىلى اياسىندا قۇرىلعان "جىل ۆولونتەرى" حالىقارالىق سىيلىعى. وتكەن جىلى ونى قازاقستان, رەسەي, قىرعىزستاننان كەلگەن 48 بەلسەندى ۆولونتەر الدى. بۇدان باسقا, بۇگىندە بۇۇ جۇيەسىندە قازاقستاننان 71 ۆولونتەر قىزمەت ەتەدى, ونىڭ ىشىندە 42 ايەل, ونىڭ ىشىندە 7 ۆولونتەر قر اقپارات جانە قوعامدىق دامۋ مينيسترلىگى مەن بعدۇ اراسىنداعى ارىپتەستىك تۋرالى كەلىسىم شەڭبەرىندە بۇۇ-نىڭ ءتۇرلى اگەنتتىكتەرىنە جىبەرىلگەن.
بولات تلەپوۆ قازاقستان بۇۇ با قارارىنىڭ ماتىنىنە ۆولونتەرلىكتى 2030 جىلعا دەيىنگى كەزەڭگە ارنالعان تۇراقتى دامۋ سالاسىنداعى كۇن ءتارتىبىن ىسكە اسىرۋدىڭ امبەباپ قۇرالى دەپ تانۋ تۋرالى تارماقتى ەنگىزۋگە باستاما جاساعانىن ەسكە سالدى.
ەستەرىڭىزگە سالا كەتەيىك, بۇل قارار بۇۇ-عا مۇشە ەلدەرمەن قولداۋ تاۋىپ, 2020 جىلدىڭ جەلتوقسانىندا قابىلدانعان بولاتىن.
بولات تلەپوۆ: "وتكەن جىلى قازاقستان پرەزيدەنتى ق.توقاەۆ بۇۇ باس اسسامبلەياسىنىڭ 75-ءشى سەسسياسىندا ەرىكتىلەردى جۇمىلدىرۋدىڭ حالىقارالىق جىلىن جاريالاۋ تۋرالى باستاما كوتەرگەن بولاتىن. بۇگىنگى تاڭدا بۇۇ دب-مەن ونى ىلگەرىلەتۋ, بۇۇ-نىڭ ءتيىستى قارارىن دايىنداۋ بويىنشا بىرلەسكەن جۇمىس جۇرگىزىلۋدە. وسىعان بايلانىستى تۇراقتى دامۋ جونىندەگى ازيا – تىنىق مۇحيتى فورۋمىنا قاتىسۋشى ەلدەردەن قازاقستاننىڭ باستاماسىن قولداۋدى جانە "قايىرىمدى ىستەر" دۇنيەجۇزىلىك يدەياسىن ىسكە اسىرۋدى سۇرايمىز.
انىقتاما: ازيا-تىنىق مۇحيت فورۋمى دامۋ ماسەلەلەرى جونىندەگى وڭىرلىك ديالوگقا جاردەمدەسۋ ماقساتىندا بۇۇ-نىڭ ازيا مەن تىنىق مۇحيت ەلدەرىنە ارنالعان ەكونوميكالىق جانە الەۋمەتتىك كوميسسياسىنىڭ (اتمەاك) اياسىندا وتكىزىلەدى.
