ۆيدەو • 21 ناۋرىز، 2021

قازاقستانداعى بۇۇ باسشىسى ناۋرىز مەرەكەسىنە وراي ۇلتتىق تاعام دايىندادى

41 رەت كورسەتىلدى

2009 جىلدان باستاپ ناۋرىز ادامزاتتىڭ ماتەريالدىق ەمەس مادەني مۇراسى تىزىمىنە ەنگىزىلدى. بۇل – بەيبىتشىلىك پەن مادەني سانالۋاندىلىق قۇندىلىقتارىن مەرەكەلەۋ. «ناۋرىز» ءسوزى جاڭا كۇن دەگەندى بىلدىرەدى جانە ونى الەمنىڭ 300 ميلليوننان استام تۇرعىنى جاڭا جىلدىڭ باستالۋى رەتىندە اتاپ وتەدى.

بۇۇ باس حاتشىسى انتونيۋ گۋتەرريش: «وتكەن جىلى ناۋرىز مەيرامى بۇرىن-سوڭدى بولماعان جانە جويقىن عالامدىق پاندەميانىڭ العاشقى كۇندەرىنە سايكەس كەلدى. بيىلعى جىلى ناۋرىز رۋحىن ساقتاۋ اسا وزەكتى. COVID-19 جەڭۋ ءۇشىن الەم بىرىككەن كەزدە، ناۋرىز تابيعاتپەن ۇيلەسىمدى تۇردە قالپىنا كەلتىرۋگە شابىتتاندىرادى»، دەيدى.

ال قازاقستانداعى بۇۇ تۇراقتى ۇيلەستىرۋشىسى ميكاەلا فريبەرگ-ستوري حانىم قازاقستانعا كەلگەنىنە التى ايدان استام ۋاقىت ءوتىپ، اتالعان ۋاقىتتا جاساپ ۇيرەنگەن قازاقتىڭ ۇلتتىق دەسەرتتەرىنىڭ كەيبىر رەتسەپتەرىمەن ءبولىستى.

« ۇلىستىڭ ۇلى كۇنىندە تۋىس جاقىندار كوكتەمنىڭ باستالۋىن تويلاۋ ءۇشىن ءدامدى تاعامدارمەن بەزەندىرىلگەن داستارقان اينالاسىندا جينالادى. سوندىقتان ىندەت شەكتەۋلەرىن ەسكەرە وتىرىپ، ادامدار كىشىگىرىم شەڭبەردە ۇيدە ۇلتتىق تاعام دايىنداپ، اتاپ وتكەنىن قۇپتايمىز. بۇگىن ءبىز ەڭ تانىمال دەسەرتتەر – «جەنت» كامپيتتەرى مەن «حۆوروست» بىرگە دايىندادىق. ناۋرىز – ءبىر-ءبىرىمىزدى كەشىرىپ، جاقسىلىققا ءۇمىت بىلدىرەتىن دوستىق مەرەكەسى. وسى مۇمكىندىكتى پايدالانا وتىرىپ، بارشا قازاقستاندىقتارعا ماڭگىلىك باقىت، وركەندەۋ جانە جارقىن بولاشاق تىلەيمىن!»، دەدى قازاقستانداعى بۇۇ تۇراقتى ۇيلەستىرۋشىسى.

سوڭعى جاڭالىقتار

ۇقساس جاڭالىقتار