ايماقتار • 19 ناۋرىز، 2021

قاراعاندى وبلىسىنىڭ وزەندەرىندە مۇزدى بۇزۋ جۇمىستارى باستالدى

62 رەت كورسەتىلدى

قاراعاندى وبلىسىندا تاسقىن سۋدىڭ قاۋىپسىز ءوتۋى بويىنشا الدىن الۋ ءىس-شارالارى جۇرگىزىلىپ جاتىر، دەپ حابارلايدى Egemen.kz توتەنشە جاعدايلار مينيسترلىگىنىڭ ءباسپاسوز قىزمەتىنە سىلتەمە جاساپ.

وساكاروۆ اۋدانى نيكولاەۆكا اۋىلىنىڭ ماڭىنداعى سابىرقوجا وزەنىندە مۇزدىڭ جارىلۋى باستالدى. مۇزدى جارۋ جۇمىستارى كوكتەمگى سەڭ ءجۇرۋ كەزەڭىندە كەپتەلىس قۇبىلىستارىنىڭ الدىن الۋ جانە تاسقىن سۋلاردىڭ اپاتسىز ءوتۋىن ۇيىمداستىرۋ ماقساتىندا جۇرگىزىلەدى.

سونداي-اق ەلدى مەكەندەردەن قار شىعارۋ، سونداي-اق سۋ وتكىزۋ قۇرىلىستارىن تازالاۋ بويىنشا ءىس-شارالار جالعاسىپ جاتىر. وبلىس بويىنشا شىعارىلعان قاردىڭ كولەمى 1،2 ملن م3 استام. 1600-دەن استام سۋ وتكىزۋ قۇرىلىستارى تازارتىلدى.

نەگىزگى سۋ قويمالارىنان سۋ اعىزۋ جالعاسىپ جاتىر. قۇتقارۋشىلار تۇرعىندارعا كوكتەمگى سۋ قويمالارىنىڭ قاۋىپتىلىگى تۋرالى ەسكەرتەدى. ەشقانداي جاعدايدا مۇزعا شىقپاڭىز، ويتكەنى مۇزداعى جارىلىس تولقىنىنان جارىقتار پايدا بولادى. كوكتەمدە سۋ قويمالارىن مۇز ۇستىنەن ءوتۋ قاۋىپتى. سۋ ايدىندارىنداعى كوكتەمگى مۇز قاباتىن سىرعاناۋ جانە ءوتۋ ءۇشىن پايدالانۋعا بولمايدى. اسىرەسە وزەندەردى اشۋ كەزىندە مۇزدا بولۋعا جول بەرىلمەيدى. ەشقانداي جاعدايدا مۇزعا تاۋلىكتىڭ قاراڭعى ۋاقىتىندا جانە ناشار كورىنگەندە شىعۋعا بولمايدى»، دەلىنگەن حابارلامادا.

 

سوڭعى جاڭالىقتار

قازاقستاندا قانشا ادام ۆاكتسينا الدى

كوروناۆيرۋس • بۇگىن، 10:42

ۇقساس جاڭالىقتار